mércores, 9 set 2020
Dúas mocións presentadas polo grupo do goberno de Vigo reclaman á Xunta de Galicia que se faga cargo do custo extraordinario de desinfección nos colexios -que presta o Concello e estima en 616.000 euros- e que abra unha mesa de diálogo coa Federación de ANPAS para dotalos de recursos para poder prestar o comedor escolar, aulas matinais e actividades extraescolares.
mércores, 9 set 2020
O Pleno aprobou esta mañá a moción socialista que reclama ao goberno autonómico que acometa nos colexios as reformas precisas para ampliar espazos que garantan a distancia interpersoal, o desdobramento de aula e a seguridade e tamén deu luz verde á moción do grupo mixto que demanda un curso escolar seguro.
martes, 8 set 2020
No encontro mantido este martes por Abel Caballero con Carlos Fernández Gómez, presidente, e Jorge Rouco, vogal do Colexio Oficial de Enfermería de Pontevedra, trataron a posibilidade de crear esta figura da enfermeira que sexa a profesional responsable de desenvolver os protocolos Covid-19 nos centros escolares.
martes, 8 set 2020
O rexedor lembra á cidade que os espazos reservados para a entrada e saída do alumnado nas inmediacións dos centros educativos deben quedar libres desde a mañá deste xoves, 10 de setembro.
venres, 4 set 2020
Abel Caballero manterá este venres unha reunión telemática cos alcaldes das principais cidades galegas e cos presidentes das deputacións para abordar os gastos que deberán asumir os municipios na desinfección de centros escolares debido a pandemia do Covid-19.
martes, 1 set 2020
Todas as escolas infantís municipais de Vigo terán apoio da Policía Local e Protección Civil para os accesos do alumnado no día de apertura do vindeiro xoves. O alcalde explicou que haberá especial atención ás instalacións que presenten problemas de tráfico.
mércores, 26 ago 2020
O alcalde urxiu este mércores a Núñez Feijóo a sentarse con Foanpas, a Federación de Asociacións de Nais e Pais de Alumnos que xestiona o comedor de 2.500 nenos e nenas e as extraescolares doutros 15.000 en Vigo, cos que non se reúnen desde o 5 de agosto, para buscar unha solución que permita prestar estes servizos no novo curso.
martes, 25 ago 2020
Abel Caballero amosou este martes a súa “preocupación” pola situación dos comedores escolares xestionados polas ANPAS da cidade -que non abrirán en discrepancia pola seguridade do protocolo autonómico contra o Covid- e pediu a Núñez Feijóo que “tome cartas no asunto” porque “moitos nenos, se non comen no comedor escolar, sinxelamente non comen”.
martes, 11 ago 2020
O alcalde, que participou este martes no acto simbólico de apertura da nova pista, eloxiou o “gran proxecto educativo e deportivo” do Seis do Nadal. Caballero engadiu que o goberno de Vigo acomete obras nunha decena de centros educativos da cidade.
luns, 10 ago 2020
Abel Caballero mantivo un encontro por videoconferencia cos responsables da Federación Olívica de Asociacións de Nais e Pais de Alumnos de Vigo que lle trasladaron as dificultades que teñen para prestar os servizos de comedor o próximo curso respectando o protocolo sanitario establecido pola Xunta de Galicia.
