venres, 10 set 2010
O alcalde informou hoxe venres da saída do segundo grupo do total de 250 alumnos de centros escolares vigueses cara ao Reino Unido, onde estudarán inglés cunha beca do Concello durante tres semanas. Caballero explicou que o próximo curso a cifra superará os 350 -a Escola de Idiomas leva 100 bolsas do Concello- porque "queremos que as nenas e nenos de Vigo estuden inglés en Inglaterra".
xoves, 9 set 2010
Abel Caballero asistiu á despedida dos rapaces que partiron en bus as 06:30 desta mañá desde a Praza do Rei ata Porto, para viaxar desde alí ao Reino Unido. De acordo co programa de inmersión lingüística, PILIVIGO 2010, da Concellería de Educación, os alumnos estarán durante 3 semanas en dez localidades inglesas. Nos próximos días marcharán os 200 que faltan en grupos de 50 e acompañados en todo momento polos seus monitores.
martes, 7 set 2010
Nunha visita á escola infantil de Atalaia, en Teis, o alcalde anunciou que en xaneiro rematarán os traballos nas tres novas garderías municipais en marcha, por valor de case un millón de euros, e que ampliarán en 260 prazas a oferta do Concello na cidade. "En xaneiro duplicaremos as prazas de garderías", indicou Caballero, quen avanzou que o incremento terá continuidade cun novo plan para 2011.
luns, 6 set 2010
O programa de inmersión lingüística, PILIVIGO 2010, da concellería que dirixe a socialista Laura López Atrio permitirá a súa estadía durante 3 semanas en dez localidades inglesas. O goberno municipal iniciou o programa en 2008 con 100 becas ata chegar as 250 actuais coa intención de mellorar o nivel de inglés dos estudantes vigueses
mércores, 1 set 2010
Abel Caballero visitou hoxe mércores os traballos de ampliación do comedor escolar do Escultor Acuña, prácticamente rematados, e un dos 13 colexios que será reformado cos preto de 500.000 euros que destina o Concello para "melloras nos centros de ensinanza pública". O alcalde defendeu estas accións para poder así dar cobertura física a toda a demanda de bolsas de comedor que concede o goberno local, "máis de mil", cifrou Caballero.
mércores, 25 ago 2010
O alcalde vigués asegura que polo de agora non está fixada a data para a reunión co conselleiro de Educación, Jesús Vázquez, pero que a situación é "amigable" e se está tratando de buscar unha data para o encontro. Caballero avanzou que está "a disposición" do conselleiro e mostrouse aberto a celebrar a reunión "aquí ou en Santiago"
xoves, 5 ago 2010
O alcalde de Vigo, Abel Caballero, recibíu hoxe xoves ao presidente da Federación Autonómica de Ensino Privado, Joaquín Pereira, entidade que engloba os colexios concertados, para dialogar sobre o "gran congreso" que acollerá Vigo do 28 de outubro ao 1 de novembro, no que daranse cita sobre 700 profesionais do ensino. Caballero indicou que "con toda probabilidade" asistirá o ministro de Educación.
Poderá facerse a través de internet no mes de agosto
xoves, 29 xul 2010
A Escola vén de realizar a convocatoria de preinscrición para alumnado de novo ingreso no curso 2010-2011. Iniciarase o prazo o vindeiro día 31 de xullo ata o 15 de setembro exclusivamente a través de internet, accedendo ao formulario de solicitude on line colgado da páxina web do Concello de Vigo www.vigo.org. Ofértanse 365 prazas de novo ingreso, en cursos de mañá e tarde.
venres, 9 xul 2010
O Consello Escolar Municipal de Vigo, en sesión plenaria do 1 de xullo de 2010, aprobou instar ás administracións autonómica e municipal a adoptar un acordo con carácter de urxencia para solucionar a situación de falta de espazo e inadecuación á normativa do CEIP Altamar.
venres, 2 xul 2010
O alcalde rubricou hoxe un convenio coa Federación Olivíca de Asociacións de Pais e Nais de Alunos polo que Alcaldía subvenciona as bolsas de comedor con 476.000 euros. Ademáis desde a area de Benestar Social as axudas ascenden a 420.000 euros polo que neste momento se están dando becas de comedor por un importe cercano aos 900.000 euros
