42 alumnos do programa "Imos Traballar 2" veñen de recoller os seus diplomas logo dun periodo formativo remunerado que lles permitirá mellorar as súas perspectivas laborais. Cun orzamento de 1,7 millóns de euros, o obxectivo desta iniciativa é promover a inserción laboral dos colectivos máis desfavorecidos.
Entidades sen ánimo de lucro de Vigo poderán acceder a subvencións para o fomento de emprego, unha iniciativa á que o Concello adica preto de 1,5 millóns de euros. Ese foi un dos asuntos aprobados na Xunta de Goberno local deste venres, na que tamén se adxudicou a contratación do servizo de mantemento e reparación dos contedores soterrados, por un importe de 101.757,03 euros.
Un total de 38 vigueses participan no programa Vigo Atende, unha iniciativa de creación de emprego a través de cursos de formación. Cun orzamento de 380.000 euros, os beneficiarios asisten durante seis meses a obradoiros remunerados con tres posibilidades formativas: cociña, restaurante e bar e asistencia domiciliaria.
210 persoas traballarán este ano durante seis meses ao amparo do programa de emprego municipal Vigo Emprega. Así o explicou o alcalde hoxe venres, logo da Xunta de Goberno local na que se aprobaron as bases deste plan, dotado cun 1,5 millóns de euros, para atender a persoas con especiais dificultades de inserción laboral.
O alcalde mantivo este mércores unha reunión coa Federación de Autónomos de Galicia, entidade que estuda Vigo como sede dunha feira no mes de abril do próximo ano, posiblemente a celebrarse cada ano. Abel Caballero indicou que hai "moitas posibilidades" de que se celebre na cidade.
O alcalde fixou como obxectivo "superar" os 3.600 postos de traballo creados no 2012, entre directos e indirectos, pola acción do Concello, para o que as contas deste ano reservan 5,5 millóns de euros para Emprego, ademais dos investimentos. Caballero participou hoxe xoves na entrega de diplomas do "Vigo Laborando"
Abel Caballero mantivo este xoves un encontro con algunhas das entidades que cooperaron co Concello de Vigo no desenvolvemento do Plan Municipal de Emprego do pasado ano, dotado con 2,4 millóns que en 2013 pasa a 2,8 millóns, un 16,6% máis. O orzamento municipal total de Emprego este ano suma 5,5 millóns.
O alcalde de Vigo participou este luns no acto de entrega e bautismo do offshore "Deep Orient", ensamblado polo estaleiro vigués Metalships&Docks para a multinacional Technip. Trátase do segundo buque entregado á compañía. Caballero confía en que a relación comercial poida ter continuidade cun terceiro barco.
Abel Caballero e Carmela Silva visitaron hoxe Ibercisa, unha empresa auxiliar do naval que vai investir 5 millóns de euros nunha obra de ampliación que permitirá á compañía pasar de 80 98 traballadores. Durante o percorrido, Caballero amosou a súa "satisfacción polo bo facer" destes responsables empresariais.