O alcalde recibiu este xoves á trintena de entidades que colaboran coa Gala do Deporte de Vigo e a comarca, que organizan o Concello, Faro de Vigo e Abanca, e que se celebra o xoves, 21 de abril, no Teatro Afundación.
A XXIII Gala do Deporte de Vigo e a súa Comarca está en marcha, segundo anunciou hoxe o alcalde, Abel Caballero. Terá lugar o vindeiro día 21 no Centro Cultural Afundación, o seu lugar habitual antes da pandemia -xa sen limitación de asistencia-, e comeza este xoves 6 co encontro do rexedor coas empresas máis vencelladas ao deporte de elite e formativo de Vigo e a súa área de influencia.
O alcalde louvou a tradicional carreira no seu discurso na clausura do acto de presentación da Vig-Bay 2022 que desenvolverase o domingo 10 de abril.
Integrantes da Asociación Gunga en Vigo, mestre e alumno foron finalistas no certame celebrado en Burgos, en categorías A e C, respectivamente. Abel Caballero recoñeceu o éxito dos deportistas no campionato desta arte marcial afro-brasileira.
A Xunta de Goberno Local aprobou este venres as bases e a convocatoria de subvencións a entidades deportivas sen ánimo de lucro para as activades da presente temporada. Amais, quedou aprobada a axuda de 84.500 euros para o Celta de baloncesto feminino.
Abel Caballero recibiu este xoves na Alcaldía aos novos responsables da entidade, encabezados por Xoán Martínez como presidente. A nova Xunta Directiva do club presentouse ao alcalde e as partes pasaron revisión á actividade presente e futura do Vigo Rugby e á colaboración prestada polo Concello.
Desde este luns e ata o próximo domingo, dispútase o Vigo Open 2022, a terceira proba da temporada do World Padel Tour, no Ifevi. O alcalde e a presidenta da Deputación presentaron o evento este luns no Pazo Quiñones de León.
O Concello destina 53.000 euros ao Amfiv e 100.000 euros ao Coruxo FC como clubs de elite da cidade, ademais doutros 160.000 euros para patrocinar o Open de Vigo do World Padel Tour, que se celebra a próxima semana. Abel Caballero informou ademais de subvencións en materia cultural ao Teatro Ensalle, á Sala Ártika e ao Instituto de Estudos Vigueses.
O goberno de Vigo aproba un modificado de carácter técnico do proxecto da nova bancada do estadio de Balaídos, que non eleva o custo nin afecta aos prazos previstos. Abel Caballero anunciou que a derruba da parte pendente de Marcador -que acollía os transformadores eléctricos- comeza este xoves.
O alcalde entregou na presentación do evento un agasallo ao rider vigués, Ángel Suárez, como recoñecemento á 9º posición acadada na final da Copa do Mundo de 2021 en descenso.