luns, 4 xan 2010
As entradas para a Supercopa de España de fútbol sala, que se disputará os vindeiros días 7 e 8 de este mes (xoves e venres) no pavillón central do IMD das Travesas, poranse á venda esta mesma tarde nos despachos de billetes do complexo deportivo municipal vigués. A organización fixou uns prezos populares de 6 euros para a xornada de semifinais e de 10€ para a final. Ademais, o abono para ver as dúas xornadas será de 12€. Os menores de 15 anos poden entrar de balde presentando o DNI ou documento acreditativo da idade ata completar aforo.
mércores, 23 dec 2009
O concelleiro de Deportes, Xabier Alonso, fixo hoxe un chamamento a participar na carreira popular San Silvestre, que se celebrará o vindeiro 31 de decembro no parque de Castrelos a partir das 17 horas. Na presentación da proba o concelleiro resaltou a combinación de deporte e solidariedade da carreira, xa que os corredores deberán doar alimentos non perecedeiros a modo de inscrición que posteriormente serán entrados á asociación Afán.
venres, 18 dec 2009
Durante catro días e como en anos anteriores, varios pavillóns municipais recibirán este Nadal o Torneo Solidario Multideportivo Nadal en Vigo, que conta co patrocinio da Concellería de Deportes e de Caixanova e a organización do Coruxo F.C., a Federacón Galega de Fútbol Sala e a empresa Tiempo Muerto. O torneo será para nenos e nenas de 4 a 9 anos, que xogarán ao baloncesto, balonmán ou fútbol sala.
venres, 18 dec 2009
O concelleiro de Deportes e presidente da Fundación Vigo en Deporte, Xabier Alonso, recibiu esta mañá no Concello aos clubs de elite que forman parte da Fundación Vide para manter un pequeno encontro por Nadal, no que aproveitou para facerlle entrega da primeira doazón da tempada.
luns, 14 dec 2009
O tenente de alcalde, Santi Domínguez, presidiu este luns o sorteo das semifinais da XX edición da Supercopa de España de Fútbol Sala, que se celebrará os vindeiros 7 e 8 de xaneiro no pavillón de As Travesas. No acto, que determinou o enfrontamento de El Pozo Murcia Turística co F.C. Barcelona na primeira semifinal e o Inter Movistar co Xacobeo 2010 Lobelle Santiago na segunda, o tenente de acalde afirmou que a celebración deste evento ten por obxectivo que Vigo se sitúe "no máis alto" e que sirva para "potenciar o deporte base".
venres, 4 dec 2009
A Subida ao Castro disputarase o vindeiro día 12 ás 12.00 horas dende o Náutico e terá 357 chanzos como dificultade engadida. Hoxe foi presentada a cuarta edición por parte do concelleiro de Deportes, Xabier Alonso, o organizador da mesma, Guillermo Janeiro (RP3), un dos patrocinadores, Fernando Pinto (xerente do Centro Comercial Gran Vía), e o responsable da delegación viguesa da Federación Galega de Atletismo, Eleuterio García.
xoves, 3 dec 2009
O concelleiro de Deportes, Xabier Alonso, recibiu hoxe a taekwondistas do ximnasio Tao, compoñentes da selección galega de demostración, para felicitarlles pola súa vitoria no denominado Test europeo de demostración (Demo Team, o Europeo oficioso), en novembro pasado en Portimao (Portugal) durante o Campionato de Europa de pumses.
mércores, 2 dec 2009
O concelleiro de Deportes, Xabier Alonso, avanzou hoxe que o Trofeo Cidade de Vigo de patinaxe artística sobre rodas terá lugar o vindeiro 8 de decembro no polideportivo de Bouzas. Na presentación do torneo, o edil convidou aos afeccionados e afeccionadas a "comprobar a estética e a plástica" deste deporte. <br />
mércores, 2 dec 2009
El concejal de Deportes, Xabier Alonso, avanzó hoy que el Trofeo Ciudad de Vigo de patinaje artístico sobre ruedas tendrá lugar el próximo 8 de diciembre en el polideportivo de Bouzas. En la presentación del torneo, el edil invitó a los aficionados y aficionadas a "comprobar la estética y la plástica" de este deporte. <br />
xoves, 26 nov 2009
O concelleiro de Deportes, Xabier Alonso, avanzou hoxe que o XI Trofeo Cidade de Vigo de Kárate terá lugar este sábado 28 de novembro, no pavillón do Berbés, a partir das 16.30 horas. Organizado polo clube A.D. Zanshin, ao que Xabier Alonso agradeceu o seu esforzo e traballo continuados, a competición disputarase nas categorías infantil, xuvenil, cadete, xunior, sub-21 e senior e nela participarán clubes procedentes de todo o estado.
