Abel Caballero manifestou este martes a vontade municipal de que Vigo continúe acollendo a entrega dos Premios da Crítica de Galicia para o que avanza que "seguiremos cooperando" coa Fundación. Tras unha reunión coa directiva, o alcalde informou que o acto da edición 2016 será en Vigo o 19 de novembro.
Abel Caballero e Carmela Silva, como máximos responsables do Concello e a Deputación, respectivamente participaron este xoves na presentación deste libro, con palabras de Félix Bello e a pintura de Rosa Elvira Caamaño. A publicación recolle 42 acuarelas e bosquexos de paisaxes galegas complementados con impresións escritas que logran transmitir sensacións.
A concelleira de Festas, Ana Laura Iglesias, participou este venres na presentación da VII Festa da Cultura, os días 22 e 23 de xullo, e enmarcada no programa "Vigo en Festas 2016". Como novidade deste ano, a edil anunciou concertos na Porta do Sol dos grupos que ensaian no recinto municipal VigoSónico.
Este xoves 14 de xullo, ás 20:00 h, inaugúrase na sala de exposicións da Casa Galega da Cultura (praza da Princesa, 2) a exposición "Afinidades Selectivas 9", organizada pola Universidade de Vigo, coa colaboración da Concellería de Cultura, fruto do convenio existente entrambas entidades.
Este xoves 7 de xullo, ás 20:00 h, inaugúrase na planta primeira da Casa das Artes (r/ Policarpo Sanz, 15) a exposición "Transbordo espacial. Partituras gráficas" do Pelayo Fernández Arrizabalaga, dentro da programación do Festival de Jazz de Vigo "Imaxina Sons'16" que promove e organiza a Concellería de Cultura.
O alcalde animou á cidadanía a sumarse a esta cita durante a inauguración da 42ª edición da Feira do Libro de Vigo que, dende hoxe e durante dez días, ten programadas presentacións de novidades literarias, coloquios e outras actividades de animación e promoción lectora na Porta so Sol onde están presentes catorce librerías da cidade. <br />
Caballero participou este xoves na presentación deste evento, que comeza mañá vernes, 1 de xullo, e permanecerá ata o día 10 na Porta do Sol. O rexedor vigués felicitou á Agrupación de Libreiros de Vigo pola dirección e polo "traballo diario" pois manifestou que ser libreiro "é infinitamente máis que unha aventura empresarial".
<br /> Abel Caballero participou este mércores na inauguración da nova exposición que acolle o Museo Verbum de Samil. "Emporium. Mil anos de comercio en Vigo" recolle as relacións comerciais de Vigo desde a prehistoria ata a chegada dos árabes, con pezas nunca expostas e restauradas para a ocasión.
Abel Caballero, na presentación este luns do IV Encontro Internacional de Danza Urbana de Vigo, valorou a relevancia e o desenvolvemento "imparable" das culturas urbanas na cidade, polo que asegurou o respaldo do Concello a ViKul. O evento celebrarase do 8 ao 18 de xullo nunha edición máis ampla e diversa.
A Concellería de Cultura prorroga as exposicións "Así nos ven, así somos?. A imaxen da muller na arte" e "Estraño cotián", que se expoñen actualmente na Pinacoteca Municipal "Francisco Fernández del Riego" e no Museo Municipal "Quiñones de León" de Castrelos, respectivamente.