Abel Caballero presentou hoxe martes esta nova proposta cultural -este venres e sábado en distintos espazos da cidade-, que procura dar visibilidade ás mulleres na poesía. Xunto ás mellores voces galegas, Poemaria trae a Vigo a recoñecidos artistas do resto de España nun amplo programa dirixido a todo tipo de públicos.
Abel Caballero inaugurou este martes a exposición colectiva "Acuarelistas vigueses" dentro dunha nova edición de Mostrarte, que exhibirá nas dependencias municipais as creacións de doce artistas da cidade: Antonio Heredero, Rafael Alonso, Varela Guillot, Manuel Torres, Méndez Paz, Luís Romero, Álex Vázquez, Remedios Priegue, Antonio Feijóo, Rosa Elvira Caamaño, Soledad Pite e Azumi Art.
A Xunta de Goberno Local vén de aprobar as axudas á Agrupación de Centros Deportivos e Culturais para a organización do programa "Vente con nós" que inclúe 40 actuacións de teatro música e danza nos barrios e parroquias. Ademais, deu luz verde ao préstamo de nove obras de Castelao para unha exposición no Museo de Pontevedra.
Abel Caballero participou este venres na apertura da exposición "Maider López, Desprazamento", a nova proposta da planta baixa do MARCO de Vigo ata o próximo 18 de setembro. O rexedor felicitou á artista e todo o equipo do Museo, "parte importante da acción cultural de Vigo". <br />
O alcalde presentou este martes o novo Festival, con actuacións en xullo de trece artistas de prestixio nacional e internacional en cinco citas, como promoción da candidatura do arquipélago vigués a Patrimonio da Humanidade. Vigo recibirá a Steve Vai, Anthrax e Aphonnic, Quilapayún, Toquiño e María Creuza, e A Noite Movida, con Nacho Vega, Jaime Urrutia, Gurruchaga, Carbonell e Coti, entre outros.
O rexedor participou este venres no MARCO na presentación da exposición "O mundo flúe. Dúas Miradas sobre unha mesma realidade" que organiza a Fundación ONCE para divulgar a obra de artistas con algún tipo de discapacidade e de artistas que se inspiran na discapacidade para as súas creacións.
O alcalde, acompañado pola directora artística do Festival de Jazz de Vigo, Lucía Martínez, e polo concelleiro de Cultura, Cayetano Rodríguez, destacou a calidade musical do Imaxinasons que, sendo un proxecto integramente municipal, é xa unha "referencia cultural urbana da cidade" querendo ser unha "peza esencial do desenvolvemento do jazz en Galicia". O programa para o que se destinan 150.000 euros, un 15% máis ca na edición anterior, desenvólvese dende o 1 ata o 9 de xullo en diferentes espazos vigueses.
O mércores, 1 de xuño, dará comezo o Ciclo de Música de Cámara, organizado polo Conservatorio Superior de Música de Vigo en colaboración coa Concellería de Cultura. O ciclo prolongarase ata o venres no Auditorio Municipal do Concello e tomarán parte os grupos gañadores do II Concurso de Música de Cámara do CSMVigo; así, mañán actuarán Laura Zapatero (piano) e Raquel Fernández (violín) que obtiveron o primeiro premio, ademais de Patricia Sío (clarinete) e David Núñez (piano), 3ª mención de honra.
Por primeira vez, o fotógrafo Valentín González (Xixón, 1955), presenta o seu traballo en Galicia. Baixo o título Círculos de confusión, reúne unha selección de trinta obras que ilustran o percorrido creativo emprendido por este singular artista, hai máis de vinte anos e que se pode visitar na sede da Fundación Laxeiro do xoves 26 de maio ata o 25 de xuño, 2016.<br />
2Cellos visitan España por primeira vez con concertos en Madrid e en Vigo, no Auditorio Mar de Vigo este sábado, ás 21 horas, da man de 1906. Na presentación do evento, o alcalde agradeceu á Corporación Hijos de Rivera o "desenvolvemento cultural" na cidade.