O segundo tenente de alcalde, David Regades, presentou esta xoves a programación do Festival Alternativo das Artes Escénicas que trae a Vigo, ao longo de 5 xornadas, espectáculos de 10 compañías galegas, españolas e dúas internacionais cun espazo dedicado a dar visibilidade á creación das mulleres.
A Concellería de Cultura presenta a exposición "Esencias dunha colección" que poderá visitarse na Pinacoteca Municipal "Francisco Fernández del Riego" a partir do martes 1 de marzo. Vigo conta cunha das máis importantes coleccións de arte galega que nace dunha política de adquisicións levada a cabo desde o Museo municipal "Quiñones de León".
O venres as 21 horas "A Louca Historia de Galicia" da compañía viguesa Fulano, Mengano e Citano. E o domingo as 18 horas a estrea mundial de "Os reloxos preguiceiros de néboa" de Aporía Escénica, para público familiar.<br />
O alcalde felicitou á organización pola consolidación desta iniciativa, presentada este xoves na súa terceira edición. O concurso literario ten tema e estilo libres máis a acción debe transcorrer na cidade de Vigo. O prazo de presentación dos textos arranca mañá venres e finaliza o 30 de xuño.<br />
O alcalde de Vigo avanzou hoxe xoves que o Museo Quiñones de León exhibirá as once obras de arte e obxectos históricos cedidos en depósito polo Círculo Mercantil de Vigo. A continuación esas pezas formarán parte da exposición permanente, en bloques de dous.
A ORQUESTRA XOVE VIGO 430 ofrecerá un concerto este domingo 21 de febreiro, ás 12:00 h, no vestíbulo do Auditorio "Mar de Vigo". O concerto, dirixido por Irene Calado e Julio Domínguez, contará co coro participativo de Capela Madrigalista, Coro do IES Val do Tea, Miñoca ma non toppo, Mistura Vocal e cantores convidados. O repertorio consistirá en obras de Bedrich Smetana, Julio Domínguez, Eric Whitacre e Javier Busto.A venda de localidades e abonos realizarase a través de ticketea (www.ticketea.com) e na Central de Espectáculos (r/ Velázquez Moreno, 26).
Esta fin de semana da comezo a programación municipal de artes escénicas, VIGOCULTURA, que se desenvolverá no Auditorio Municipal do Concello durante os meses de febreiro a maio, con espectáculos para adultos os venres e para público familiar os domingos.O venres 12, ás 21:00 h, Teatro do Morcego representará a obra "Presidente" e o domingo 14, ás 18:00 h, á compañía Tromplicallo "Rumpelstikin. O anano saltarín".
Este domingo, día 31 de xaneiro, terá lugar o primeiro concerto do programa "PRIMAVERA 2016" da ORQUESTRA VIGO 430, que conta coa colaboracion da Concellería de Cultura. A orquestra sinfónica, agrupación principal da 430, será a encargada de inaugurar o ciclo baixo a dirección de Vicent Alberola e a violinista Rusanda Panfili como solista. O concerto terá lugar ás 12:00 h no vestíbulo do Auditorio "Mar de Vigo", con entradas a 10 € en anticipada e 12 no despacho de billetes do auditorio; a venda de entradas e abonos realízase a través de Ticketea (www.ticketea.com)
O alcalde de Vigo e a presidenta da Deputación asinaron este xoves un protocolo de colaboración para a instalación -estimada no mes de marzo- dunha escultura en granito de "Balbino", personaxe de "Memorias dun Neno Labrego", como "homenaxe" ao seu autor, o recentemente falecido Xosé Neira Vilas. A obra ubicarase no entorno da biblioteca municipal Neira Vilas, en Martínez Garrido.
A Casa das Artes acolle a exposición "XX Maratón Fotográfico Concello de Vigo", organizada pola Concellería de Cultura e maila Agrupación Fotográfica Galega. O maratón tivo lugar o 14 e 15 de novembro pasados, cun total de 165 participantes que tiveron 24 h para fotografar catro temas: "Fronteira", "Ausencia", "Ilusión óptica" e "Pequenos Mundos".A exposición permanecerá aberta ao público ata o 28 de febreiro.