Todos aqueles interesados en compartir a súa creatividade artística durante este período de confinamento xa poden facer chegar as súas creacións a confinarteconcultura.vigo.org. Teñen que ser vídeos curtos, que deberán estar gravados en formato horizontal, cun peso máximo de 500 MB e unha duración máxima de 5 minutos.
A partir do venres, 27 de marzo, os artistas locais que así o desexen poderán enviar as súas creacións á plataforma web confinarteconcultura.vigo.org, unha iniciativa municipal que ten por obxectivo reunir e difundir a creatividade local durante estes difíciles días de confinamento. O alcalde deu conta esta mañá dunha iniciativa cultural que se suma ao resto de medidas municipais adoptadas con motivo do coronavirus.
O alumnado vigués de 4º da ESO e 1º de Bacharelato poderá participar neste proxecto educativo os días 16 e 17 de abril cunha temática centrada na integración, vida saudable e prevención de adicións.
Desde hoxe e ata o próximo 9 de abril, a rúa Príncipe acolle unha mostra fotográfica que recolle a vida cotiá de Anantapur, unha das zonas máis pobres da India. A través dos ollos de Cristina García Rodero, unha das fotógrafas máis prestixiosas no ámbito internacional, poderemos gozar de 40 imaxes coa vontade de contribuír á sensibilización cidadá. O Concello colabora cunha mostra froito do traballo que desenvolveron conxuntamente na India “la Caixa” e a Fundación Ferrer.
Abel Caballero participou este venres no Museo de Arte Contemporánea (MARCO) na inauguración da exposición “No, aún no”, de Yolanda Herranz, catedrática de Escultura na Universidade de Vigo. A mostra, comisariada por Miguel Fernández Ci e Pilar Souto, estará aberta ata o 14 de xuño no primeiro andar do museo.
O alcalde mantivo este martes en Madrid unha entrevista co novo titular de Cultura, José Manuel Rodríguez Uribes, quen asumiu o compromiso adquirido polo anterior ministro de edificar unha biblioteca do Estado na cidade.
O alcalde manterá unha entrevista o martes con José Manuel Rodríguez Uribes, con quen tratará do proxecto de construción dunha biblioteca do Estado en Vigo. Recordou Caballero que o anterior titular de Cultura decidira edificala nos terreos municipais da rúa Lalín, detrás dos actuais xulgados.
Dentro da programación de Vigocultura, mañá venres no Auditorio Municipal poderemos gozar de “Liberto”, da compañía Marelas Producións. O espectáculo aspira a sete galardóns, segundo anunciou a Asociación de Actores e Actrices de Galicia.
A moción socialista saíu adiante co apoio do concelleiro non adscrito, o voto en contra do PP e a abstención do grupo mixto. O Pleno acordou amais reclamar ao goberno de Feijóo unha partida para apoiar as orquestras sinfónicas e as bandas de música de Vigo e demandou outra partida para voos dende o aeroporto olívico.
A Xunta de Goberno Local aprobou este xoves a prórroga do contrato de xestión das ludotecas por un importe de 495.000 euros. A empresa realizará 50 actividades de animación, 50 obradoiros e 10 actividades de excursión. O Concello tamén deu o visto e prace a achega para a Fundación Laxeiro.