O edil de Cultura participou este venres na presentación do programa da Clásica de Vigo para o primeiro semestre, “Miradas”, que ofrece concertos en marzo, abril e maio no García Barbón. Abel Losada subliñou a “seriedade e profesionalidade” dunha orquestra á que o Concello axuda con 21.000 euros.
Fundega organiza o vindeiro 15 de febreiro coa colaboración do Concello a actuación musical “A Bela Dormente e o bosque escondido”, dirixida ao público familiar e destinado especialmente aos máis pequenos. As entradas xa están a venda en Ataquilla.com
A rexedora do municipio barcelonés duns 76.000 habitantes veu coñecer o proxecto “Vigo Cidade de Cor”, que leva a arte ás medianeiras da cidade. Abel Caballero e Carmela Silva mantiveron unha reunión con Ana María Martínez e valoran elevar unha proposta á FEMP para estender esta iniciativa
Ainhoa Arteta, Sergio Dalma e Michael Kiwanuka; humor con Segura, Mota e Flo; bandas tributo a Queen e Abba, ou musicais de “El Guardaespaldas” e “West Side Story” son algunhas das funcións programadas entre febreiro e xuño no Pazo de Congresos. Tamén haberá en xuño tres congresos sectoriais que atraerán a miles de profesionais.
Abel Caballero anunciou este venres o incremento, que será adicado a investimento, e se sumará aos 605.000 euros adicados ao funcionamento do museo, polo que o Concello achega o 76% dos seus ingresos deste ano. O goberno vigués tamén aprobou a transferencia de 125.000 euros ao Museo Liste, sostido case que exclusivamente con fondos municipais.
É a protagonista da última edición de Mostrarte, a iniciativa cultural que converte os espazos da Alcaldía nunha sala de exposicións. Coa súa pintura figurativa, a artista captura a última e exitosa campaña do Nadal vigués, facendo gala da súa ampla experiencia no tratamento da luz.
O PSOE presentou na sesión plenaria desta mañá unha moción na que avoga porque Concello e Xunta asinen un convenio que comprometa ao goberno autonómico coa apertura dunha sede do CGAC en Vigo, tal e como anunciou Alberto Núñez Feijóo. O texto inclúe a necesidade de que o edificio teña unha superficie expositiva superior aos 400 m2 e que a Xunta adique polo menos 500.000 euros ao ano a atender esta infraestrutura cultural.
Ata o 24 de maio, o MARCO acolle a mostra "Manuel Colmeiro. Espazos e encadramentos" unha selección das súas obras procedentes de diferentes coleccións. O alcalde manifestou o seu "orgullo" porque a obra de Colmeiro chegue ao Museo de Arte Contemporánea de Vigo.
O alcalde propón á Consellería de Cultura a sinatura dun convenio de colaboración para a apertura dunha sede do CGAC en Vigo que ofreza "garantías de que o van facer e as cifras oportunas para esta cidade".
O alcalde manifestou que o goberno municipal ofrecerá a súa cooperación ao autonómico, logo de que anunciase a intención de abrir na cidade unha sede do Centro Galego de Arte Contemporánea.