Vigo dedicará unha “gran exposición” á obra de Laxeiro
O alcalde e o presidente da Real Academia Galega de Belas Artes reuníronse este mércores co obxectivo de organizar esta mostra que acollerá a cidade o vindeiro ano 2022.
![Abel Caballero e Manuel Quintana Martelo](https://xornal.vigo.org/storage/images/opt/XfVaLZ3014OkQJ9wsq5Xuy6hoV6RKhjXvn6svn6N.jpeg)
Abel Caballero e Manuel Quintana Martelo abordaron no encontro a preparación dunha “gran exposición dedicada a Laxeiro, que foi un pintor excepcional e que debe ocupar o lugar que lle corresponde na arte de toda Europa”.
O rexedor apuntou que José Otero Abeledo “Laxeiro”, nado en Lalín pero afincado en Vigo, “revolucionou a arte da pintura en toda Galicia” e que cómpre amosar a súa obra nunha exposición de homenaxe.
Amais, Manuel Quintana Martelo trasladoulle ao alcalde a súa consideración de que “o MARCO lidera a arte contemporánea de Galicia” nestes momentos, por enriba doutros espazos da comunidade.
![Abel Caballero e Manuel Quintana Martelo](https://xornal.vigo.org/storage/images/opt/XfVaLZ3014OkQJ9wsq5Xuy6hoV6RKhjXvn6svn6N.jpeg)
![](https://xornal.vigo.org/storage/images/opt/NRMmAfwzADiCtnNYxFTaPIakyHLrH3t6870JBLsP.jpeg)