O Pazo de Castrelos acollerá a partir de mañá día 17 de decembro a exposición conmemorativa "Bouzas-Vigo. Cen anos de Unión. 1904-2004". A mostra contará con varias seccións dedicadas á xeografía, historia, oficios tradicionais e signos de identidade de Bouzas.
O Teatro-Cine Fraga acolle mañá día 17 de decembro ás 20:00 a actuación de "The African Children Choir", un conxunto de trinta nenos orfos de Uganda e Ruanda que recadan cartos para os cativos do seu continente. Este coro é unha iniciativa da fundación Music for Life, dedicada á creación de colexios e centros de formación en África.
O carpinteiro Javier González Lage e a artesá textil Esperanza Díaz Beltrán amosarán as técnicas para a elaboración dos antigos baldes de auga e a roupa en liño e lá.
O mercado atópase no cruce da rúa Príncipe con Velázquez Moreno e como novidade, este ano poderanse ver aos artesáns traballando en vivo.
A Vocalía do Mar do Centro Cultural de Coruxo (CRAC) e a Asociación de Gameleiros celebrarán o sábado 18 de decembro, en colaboración co Concello, a primeira edición da Festa Gameleira, que ten por obxecto homenaxear a gamela e a cultura mariñeira que a rodea.
O próximo día 12 cúmprese o 80 aniversario da doazón do Pazo de Castrelos por parte do marqués de Alcedo. Para conmemorar este evento, o Concello, en colaboración coa Fundación Igual Arte, celebra o domingo o "Día do marqués". Será esta unha xornada dirixida especialmente aos máis pequenos, con contacontos e xogos que pretenderán recrear a época da cesión do museo.
Contos de trasgos e ladróns, santos e aparecidos da Galicia tradicional, extraídos dos libros "Á lus do candil", de Ánxel Fole, e "Jardín Umbrío", de Ramón del Valle-Inclán. Isto é o que ofrece o espectáculo teatral "Ó carón do lume", a cargo do actor Javier Veiga. Será no Pazo de Castrelos, hoxe, mañá e o sábado ás 20:30.
Terán lugar no Centro de Artesanía Tradicional os días 11 e 18 de decembro e consistirán en demostracións en vivo de catro artesáns de recoñecido prestixio.
A Casa da Xuventude ofrecerá a partir do día 9 deste mes a mostra "Artistas 2004", un compendio no que se reúne a práctica totalidade dos expositores que pasaron pola sala durante este ano. A mostra permanecerá aberta ata o día 23 de decembro.
O concelleiro de Cultura, Ignacio López-Chaves, presentou esta mañá a exposición "Recordos de xoguete", que terá lugar no Pazo de Castrelos do 9 de decembro ao 23 de xaneiro. O evento celebrase grazas á cesión dunhas 500 pezas por parte do Museo Castelán-Manchego do xoguete e á colaboración da Fundación Raquel Chaves.