Pascual Osa dirixirá á Orquestra Filarmonía no Teatro Fraga-CaixaGalicia ás 18.00 horas
xoves, 27 out 2005
O vindeiro sábado, 29 de outubro ás 18,00 horas, o Teatro Fraga-CaixaGalicia acollerá a actuación “Fernando Argenta en concerto... en familia” interpretada pola Orquestra Filarmonía dirixida por Pascual Osa.Este concerto, para o cal xa están esgotadas as entradas, forma parte do ciclo “A formación de públicos no Are More”, unha das novidades que presenta a edición do Festival de Música de Vigo deste ano.
xoves, 27 out 2005
A Casa Galega da Cultura acolle a partir de mañá, venres 28 de outubro, a exposición "Espazos de encontro", de Mª Carmen Arenas. O concelleiro de Cultura, Ignacio López-Chaves, encadrou esta mostra no intento de abrir a sala a artistas novos.
xoves, 27 out 2005
A Fundación Pedro Barrié de la Maza ofrece na súa nova sede en Vigo, que será inaugurada mañá pola alcaldesa, Corina Porro, a exposición "Galicia industrial (c.1750-2005)". Esta mostra contextualiza, seguindo unha pauta cronolóxico-temática, os máis salientables episodios, empresas e personalidades da historia industrial galega.
Formado por profesores universitarios, investigadores e profesionais, é un dos máis prestixiosos conxuntos de Hispanoamérica
mércores, 26 out 2005
O Grupo de Música Popular Latino Americana, da universidade de Carabobo, en Valencia, Venezuela, actualmente de xira por Europa, actuará en Vigo o próximo día 28 de outubro, ás sete da tarde , no Verbum. Trátase dun dos máis importantes grupos de investigadores das raíces folclóricas da música criolla en todas a súa variantes e da tradición musical hispano americana que ten en Venezuela un dos seus maiores expoñentes. A entrada será libre.
martes, 25 out 2005
“Los otros”, o filme de Alejandro Amenabar, proxectarase o vindeiro xoves, día 27, dentro da programación do ciclo “Cinema de autor” que organiza conxuntamente o departamento de Cultura do Concello de Vigo e a Fundación Caixa Galicia.<br />
<br />
O Teatro Fraga-CaixaGalicia acollerá o sábdo a actuación da Wienner Akademie dirixida por Martin Haselböck ás 20.00 horas
venres, 21 out 2005
O sábado, 22 de outubro, terá lugar a inauguración oficial do Festival Are More, que nesta edición correrá a cargo da Wienner Akademie, que dirixida por Martin Haselböck interpretará a obra de Haendel "Il Trionfo del tempo e del disinganno" no marco do ciclo "As imaxes do amor".<br />
xoves, 20 out 2005
Co gallo do centenario da morte de Julio Verne (1828 – 1905), o Concello programa dúas actividades que teñen como fío, por unha parte o uso da palabra e, pola outra, a imaxe en forma de fotografías. As actividades organizadas a través do Arquivo Pacheco e o Verbum serán entre os días 21 ao 23 de outubro nas instalacións do Verbum.
xoves, 20 out 2005
Tomás Calvo, filósofo especialista en Aristóteles, e Carmen Maté, directora de Investigación e Educación do Parque Zoolóxico de Barcelona, pecharán mañá, venres 21 de outubro, as XV Xornadas de Filosofía de Vigo, que desde o martes se veñen desenvolvendo no salón de actos da Fundación CaixaGalicia.
martes, 18 out 2005
Destacados pensadores participarán nas XV Xornadas de Filosofía de Vigo, que se desenvolverán do 18 ao 21 de outubro baixo o título de "A realidade humana: problemática actual da persoa" . As xornadas, organizadas polo grupo Atetheia, terán lugar no salón de actos da Fundación Caixagalicia, que as patrocina xunto co Concello.
xoves, 13 out 2005
A exposición do X Maratón Fotográfico "Concello de Vigo", promovida polas concellarías de Festas e Cultura e a Agrupación Fotográfica Galega, poderá visitarse na Casa das Artes desde hoxe xoves, a partir das 20:00, ata o próximo 30 de outubro. Nela reuniranse as fotos de todos os participantes, algunhas ampliadas e enmarcadas.