luns, 18 abr 2011
A biblioteca pública Xosé Neira Vilas acollerá o vindeiro mércores, 20 de abril ás 19 horas, un obradoiro de encadernación xaponesa, segundo informa a Concellería de Cultura e Animación Sociocultural. Esta iniciativa enmárcase no programa de animación á lectura deste novo espazo cultural da cidade e terá lugar no marco da celebración do Día do Libro.
venres, 15 abr 2011
Oluns 18 presentase ás 19.30 horas na Casa sa Cultura a publicación titulada: Laxeiro. Os escritos de Don Ramiro.O libro supón un auténtico descubrimento da faceta literaria de Laxeiro. Un traballo que recolle un total de 116 textos, dos que 83 son inéditos e 33 foron recompilados de diferentes publicacións.
venres, 15 abr 2011
A programación de artes escénicas que a Concellería de Cultura organiza no Auditorio Municipal continúa este fin de semana con dúas propostas diferentes, como son a danza e o teatro infantil. Mañá, 16 de abril, a compañía Sólodos Neodans interpretará o espectáculo "Sólodos" ás 21 horas. O domingo, 17 de abril ás 18 horas, Ghazafellos representará a obra "Frankestein", recomendada para nenos e nenas a partir dos 5 anos. O prezo das entradas para o espectáculo de danza é de 5 euros, e para o teatro é de 3 euros para os nenos e nenas até 12 anos e 5 euros para os maiores; nos dous casos pódense adquirir na web www.laboleteria.es ou na taquilla unha hora antes do comezo da actuación.
venres, 15 abr 2011
O concelleiro de Cultura, Xesus López, presentou este luns a programación do museo Verbum que conmemora o octavo aniversario da súa apertura, e na que a diversidade lingüística é o eixo central. Na presentación, o nacionalista salientou tres elementos fundamentais nesta programacion, como son o Plan Museolóxico do museo e as exposicións "Vigo, cidade Babel", que se inaugurará o 29 de abril, e "Galiza nas ondas", que comezará o 4 de maio.
xoves, 14 abr 2011
O Auditorio Municipal acollerá mañá, 15 de abril, a representación da adaptación da obra de Sandor Márai "La mujer justa" ás 21 horas, a cargo da compañía Tanttaka. Esta actuación enmárcase no programa "Con T de Teatro" que a Concellería de Cultura organiza no Auditorio do Concello. O prezo das entradas é de 7 euros e pódense adquirir na web www.laboleteria.es ou na taquilla unha hora antes do comezo do espectáculo.
mércores, 13 abr 2011
O concelleiro de Cultura, Xesus López, presentou este mércores a sexta edición do Festival Coral de Música Sacra que, do 14 ao 20 de abril, terá lugar en distintos espazos da cidade. Xesus López destacou que nestas datas próximas á Semana Santa terán lugar un total de 16 concertos interpretados por 19 corais de Vigo. A primeira das actuacións programadas será este xoves ás 19.45 horas na igrexa da Soledad no Castro, a cargo do Coro Clásico de Vigo.
martes, 12 abr 2011
O concelleiro de Cultura, Xesus López, presentou este martes o concerto que Roi Casal ofrecerá mañá, 13 de abril, ás 20.30 horas, no Auditorio Municipal. Xesus López destacou que o músico, ex compoñente de Berrogüeto, presentará o seu novo traballo discográfico "Maxicamente Vello". Para asistir ao concerto, o prezo das entradas é de 10 euros e pódense adquirir na taquilla unha hora antes do comezo da actuación e na web www.laboleteria.es.
luns, 11 abr 2011
O Auditorio Municipal continúa mañá, 12 de abril, coa programación estable de artes escénicas que organiza a Concellería de Cultura e Animación Sociocultural. Trátase do XV Festival dos Reencontros, que a partir das 20.30 horas terá lugar baixo a dirección de Wenceslao Cabezas, Polo. A asistencia a este espectáculo é gratuíta ata completar o aforo.
venres, 8 abr 2011
A programación que a Concellería de Cultura e Animación Sociocultural organiza no Auditorio Municipal propón para este fin de semana dúas actuacións ben diferentes. Mañá, 9 de abril, celebrarase ás 21 horas un concerto de Noitarega, no que presentarán o repertorio do seu novo traballo "XXI". O domingo, ás 18 horas, terá lugar un espectáculo de maxia para todos os públicos a cargo do Mago Rafa. Para asistir ao concerto, o prezo das entradas é de 5 euros, mentres que para a función de maxia custan 3 euros para os nenos e nenas até 12 anos e 5 euros para os maiores; nos dous casos pódense adquirir na web www.laboleteria.es ou na taquilla unha hora antes do comezo da actuación.
venres, 8 abr 2011
Abel Caballero e Begoña Torres, vogal do Ministerio, participaron este venres na rolda de prensa de presentación de "Hotel MARCO", a nova mostra de Michael Lin xunto con rvr Arquitectos, que ábrese hoxe no MARCO de Vigo. O Espazo Anexo do centro reinvéntase e vive a súa maior transformación dende a súa apertura no ano 2004 como sala de proxectos, dando inicio a un novo período con esta proposta, que consiste en transformar o lugar nun cuarto de hotel con distintos usos.