xoves, 19 mai 2011
A programación estable de artes escénicas que organiza a Concellería de Cultura e Animación Sociocultural continúa mañá, 20 de maio, no Auditorio Municipal cunha novo espectáculo de "Con T de teatro". Ás 21 horas, a compañía Abada Teatro, dirixida por Carlos Blanco, levará á escena a súa última produción, "Ordem e progresso". As entradas teñen un prezo de 7 euros e pódense adquirir na web www.laboleteria.es ou na taquilla unha hora antes do comezo da actuación.
xoves, 19 mai 2011
O concelleiro de Cultura, Xesus López, presentou este xoves o festival de jazz Imaxina Sons, que na súa sétima edición celebrarase do 17 ao 25 de xuño en diversos espazos da cidade, nalgúns casos con concertos gratuítos como os que terán lugar na Praza da Constitución e noutros "a prezos populares", como os que se realizarán no Auditorio Municipal ou no Centro Cultural Caixanova. O nacionalista asegurou que neste 2011 o festival "pecha un ciclo para abrir outro", ao asumir as funcións de dirección o pianista Nani García.
mércores, 18 mai 2011
O Auditorio Municipal acollerá mañá, 19 de maio, unha nova actuación dentro do programa de artes escénicos organizado pola Concellería de Cultura e Animación Sociocultura. Será o concerto que o californiano M. Ward ofrecerá ás 20.30 horas. As entradas teñen un prezo de 15 euros adquiríndoas anticipadamente na web www.servinova.es e 18 euros mercándoas na taquilla.
luns, 16 mai 2011
Co gallo do día das Letras Galegas, o museo Verbum ten preparada , para o martes 17 de maio, unha programación arredor do poeta homenaxeado este ano, Lois Pereiro.
luns, 16 mai 2011
O Día Internacional dos Museos ten como lema neste 2011 "Museos e Memoria". Así o ICOM decidiu chamar a atención sobre a función destes espazos como contedores e transmisores de memoria. De memoria viva. Como lugares que contan historias e que transmiten o noso patrimonio cultural, facendo fincapé na súa fraxilidade e perigo de desaparición en caso dunha mala conservación.
luns, 16 mai 2011
O Auditorio Municipal acollerá o vindeiro mércores, 18 de maio, a seguinte actuación que organiza a Concellería de Cultura e Animación Sociocultura neste remodelado recinto. Trátase do concerto que o cantante Josele Santiago e o músico Pablo Novoa ofrecerán ás 20.30 horas, para o que as entradas teñen un prezo de 10 euros e pódense adquirir na web www.laboleteria.es ou na taquilla unha hora antes do comezo da actuación.
venres, 13 mai 2011
A partir desta semana, o MARCO retoma a programación para escolares e público familiar. O programa xira ao redor da exposición do artista británico MARTIN CREED.‘A METADE DO AIRE’ é o nome xenérico deste conxunto de actividades, visitas e talleres, con propostas específicas e diferenciadas para alumnado de Infantil, Primaria e Secundaria. A exposición de Martin Creed e o traballo deste artista ofrecen múltiples posibilidades didácticas, de aprendizaxe e de desfrute para todas as idades.
venres, 13 mai 2011
O tenente de alcalde, Santi Domínguez, inaugurpou este venres a mostra "O son das ondas. O Vigo medieval e a lírica trobadoresca", instalada en sete salas do segundo andar do Museo Quiñones de León, onde permanecerá aberta durante un ano. O nacionalista destacou que hoxe dase un paso máis no obxectivo de que o Museo de Castrelos "fora realmente o Museo da Cidade" e no coñecemento da nosa cidade.
venres, 13 mai 2011
Dentro do programa "Con t minúsculo" que organiza a Concellería de Cultura no Auditorio Municipal, o domingo, 15 de maio ás 18 horas, terá lugar o espectáculo do Mago Marttyn "Ilusionarte". Recomendado para todos os públicos, as entradas teñen un prezo de 3 euros para os nenos e nenas ata 12 anos e 5 euros para os maiores. Pódense adquirir na web www.laboleteria.es ou na taquilla dende unha hora antes do comezo da actuación.
venres, 13 mai 2011
A Concellería de Cultura informa de que a Biblioteca Pública Xosé Neira Vilas únese ás celebracións do Día das Letras Galegas, cun acto que terá lugar o vindeiro luns, 16 de maio ás 19 horas, arredor da figura do escritos homenaxeado este ano, Lois Pereiro. A asistencia a este acto é libre ata completar o aforamento.
