A Xunta de Goberno Local aceptou a prórroga de cinco anos da cesión da Casa do Pescador como albergue, un servizo ao que se adican anualmente 663.548 euros. Nesta mesma sesión tamén se adxudicou provisionalmente a xestión da Escola Municipal de Teatro, que conta con 150 alumnos.
O alcalde avanzou que o Concello está a buscar fórmulas para axudar a dúas familias viguesas que están sendo amenazadas con desafiuzamentos. Nun dos casos, o dunha muller cunha filla minusválida que viven en Pi i Margall, o rexedor ofreceuse a que o Concello asuma o custo do aluguer "un tempo razonable para ver se mentres tanto aparece unha solución".
O alcalde de Vigo recibíu este mércores á dirección da Asociación de Familiares de Enfermos de Alzheimer, que cumpre 20 anos neste 2014. Concello e AFAGA celebrarán o aniversario cunha serie de actos, entre os que Caballero salientou o Camiño da Memoria, un percorrido pola cidade no recrear o Vigo de hai 50 anos.
Abel Caballero avanzou hoxe martes que o Concello prestará o servizo de teleasistencia a 89 maiores máis que ata o de agora grazas á baixa de prezo acadada na adxudicación do contrato. Así o explicou o rexedor, cando se cumpre un ano desde que a Deputación deixara "tirados" aos usuarios desta prestación social para maiores.
Abel Caballero afirmou hoxe luns que as políticas sociais seguirán a ser prioritarias no orzamento 2014 que se está a elaborar. Así o indicou en rolda de prensa logo de repasar os investimentos sociais de 2013, cun importe que superou os 14 millóns de euros.
O Concello de Vigo está a traballar no acondicionamento dun local que albergará a actividade do programa Sereos. Así o avanzou hoxe o rexedor quen explicou que se trata dun espazo que vai dar solución ás necesidades destes usuarios.
Abel Caballero garantiu esta mañá a veciña da rúa Pizarro que ten que abandonar a súa vivenda por non pagar o aluguer que "non irá á rúa porque nesta cidade non permitimos estas situacións". Así o avanzou logo de manter unha reunión coa afectada, con membros da Plataforma de Afectados polas Hipotecas e co concelleiro de Participación Cidadá, Santos Héctor.
A Xunta de Goberno Local, celebrada o pasado venres, deu luz verde á contratación deste servizo por un importe de 155.000 euros, segundo informou este luns o alcalde. Caballero recordou que o Concello de Vigo asume a prestación deste servizo despois de que a Deputación de Pontevedra decidira deixar de prestalo.
O alcalde visitou este luns as instalacións de AFAN e salientou o "espléndido" traballo que fai a entidade en favor dos máis necesitados. O goberno local elevou a achega á Asociación ata os 97.000 euros, cando en anos pasados era de 20.000 euros. En Benestar, o Concello elevou a partida un 12%.
O alcalde rubricou este xoves os convenios polo que o Concello de Vigo achega outros 213.000 euros aos comedores da cidade para apoiar a súa laboura social. Caballero recordou que o goberno local achega este ano 636.000 euros ao efecto, polos 75.000 euros destinados no 2011.