O Concello cede un local de 600 metros cadrados á Asociación de Familiares de Alzheimer
Tras a reunión mantida este luns con responsables de AFAGA en Vigo, Abel Caballero informou da renovación do convenio de 18.000 euros coa entidade e da cesión dun local de 600 metros cadrados e doutro espazo ao carón do mesmo para realizar accións ao aire libre cos enfermos. Ademais, Vigo iniciará os trámites ante a Unión Europea para ser declarada cidade amiga da terceira idade.
O alcalde informou hoxe do encontro mantido con responsables de AFAGA, a Asociación de Familiares de Enfermos de Alzheimer en Vigo, unha entidade coa que dixo que o Concello mantén unha relación ampla a través dun convenio de colaboración de 18.000 euros "que renovaremos", coa cesión dun local na rúa Rivera Atienza e cun programa de envellecemento activo.
Xunto coa renovación do convenio, Abel Caballero confirmou que o goberno local cederá á entidade un espazo "de 600 metros cadrados" ante a necesidade manifestada de ampliar as súas instalacións e poñerá á súa disposición "un espazo público na contorna dese local que tamén lle imos ceder" co fin de que poidan realizar accións educativas cos enfermos ao aire libre.
Así mesmo, o rexedor anunciou que Vigo iniciará o procedemento para ser declarada cidade amigable e solidaria coa terceira idade "unha distinción da Unión Europea que queremos ter", engadindo que "poucas cidades en España lle prestan tanta atención aos maiores como a que prestamos en Vigo nestes momentos". Segundo apuntou, Vigo reúne os requisitos para acadar ese recoñecemento que proporciona facilidades para solicitar axudas de ámbito europeo.
Descargar todas as imaxes
Xunto coa renovación do convenio, Abel Caballero confirmou que o goberno local cederá á entidade un espazo "de 600 metros cadrados" ante a necesidade manifestada de ampliar as súas instalacións e poñerá á súa disposición "un espazo público na contorna dese local que tamén lle imos ceder" co fin de que poidan realizar accións educativas cos enfermos ao aire libre.
Así mesmo, o rexedor anunciou que Vigo iniciará o procedemento para ser declarada cidade amigable e solidaria coa terceira idade "unha distinción da Unión Europea que queremos ter", engadindo que "poucas cidades en España lle prestan tanta atención aos maiores como a que prestamos en Vigo nestes momentos". Segundo apuntou, Vigo reúne os requisitos para acadar ese recoñecemento que proporciona facilidades para solicitar axudas de ámbito europeo.