O rexedor vigués valorou este mércores a reunión celebrada na tarde de onte entre o vicepresidente autonómico, Alfonso Rueda, e os 14 alcaldes da Área Metropolitana de Vigo, cita na que Caballero constata un "moi bo clima" de acordo e vontade de salvar diferenzas, chegándose a consensos no modelo de goberno e nas competencias, entre outros.
O alcalde reuniuse este mércores con directores e directoras de centros públicos de Ensino Infantil e Primario que lle manifestaron a urxencia de acometer reformas para arranxar danos, cubrir patios ou ampliar comedores e bibliotecas e comprometeuse a demandarlle á Xunta que atenda estas demandas.
Logo do éxito de O Camiño dos Sentidos, protagonizado polo policía local Javier Pitillas, que percorre etapas do Camiño de Santiago con persoas con discapacidade, mañá estréase Diario dun camiño. A exhibición será no Auditorio Municipal ás 20,00 horas e conta, unha vez máis, co apoio do Concello, tal e como explicou o rexedor.
Este mércores presentouse a programación de primavera da Orquestra Vigo 430, que ofrece oito concertos nun ciclo "ambicioso e de alcance" segundo o seu director artístico, Javier Escobar. Abel Caballero manifestou o apoio do goberno local a esta formación que reúne a músicos da canteira viguesa.
Abel Caballero e o artista Antón Pulido adiantaron unha xornada a celebración do Día Internacional da Aperta, que se conmemora mañá xoves. Con música do Cuarteto Caramuxo, o Concello reuniu na Praza de Peniche a un nutrido número de persoas que quixeron participar neste agarimoso acto.