O alcalde informou dos principais asuntos da Xunta de Goberno Local deste venres, entre os que salientou a aprobación doutro incremento de 38.000 euros da dotación orzamentaria para as axudas de emerxencia social. A partida municipal queda en 583.000 euros, un 31% máis dos 445.000 orzamentados para este ano, pois o Concello xa aumentara a partida en 100.000 euros en agosto.
O alcalde rubricou hoxe mércores un convenio coa entidade por valor de 15.000 euros para o aluguer do seu local, acordo que se suma a outro xa asinado polo que o Concello destina 43.000 euros para apoiar a laboura do Banco de Alimentos.
O Concello trata de localizar ás 47 beneficiarios pendentes de recibir a súa achega social do plan de axudas a familias, ao tempo que tamén está a resolver os recursos recibidos á resolución dun programa social dotado de 2 millóns de euros. Tal e como explicou o rexedor, xa se entregaron 1.206 das 1.253 achegas concedidas.
Abel Caballero sinalou que so restan por entregar 200 axudas do plan extraordinario para familias, dotado con 2 millóns de euros e do que resultaron beneficiarias 1.253 persoas para pagos de vivenda, enerxía e alimentación. O alcalde confia en que poidan ser entregadas entre o luns e o martes da próxima semana.
O alcalde de Vigo reiterou esta mañá o seu compromiso coa Asociación San Francisco, antes participar esta mesma tarde na cadea humana que organiza este colectivo na Praza do Rei. O rexedor indicou que establecerá contacto coa Xunta para buscar unha fórmula que permita a San Francisco manter o seu proxecto educativo.
O goberno local prosegue este martes coa concesión dos 1.253 cheques sociais para familias viguesas con poucos recursos, a un ritmo de 150 beneficiarios cada día e por importe total de 2 millóns de euros. Abel Caballero destacou que Vigo é "o concello con maior política social de toda España"
O alcalde felicitou ao Colexio de Optometristas de Galicia, que ten instalada durante este martes unha carpa informativa en Príncipe con Velázquez Moreno para conmemorar o Día Mundial da Optometría, adicada este ano á visión en 3D. Tanto hoxe na carpa como toda a semana nas ópticas, a evalución é gratuita para quen desexe acudir.
O Concello comezou este luns a concesión das achegas económicas aos 1.253 beneficiarios do plan de axudas extraordinarias as familias, dotado con 1,8 millóns de euros. A razón de 200 familias diarias, que poden percibir máis dunha axuda, o goberno de Vigo entrega máis de 1.000 apoios á vivienda, 854 máis para enerxía e 755 para alimentación.
O goberno local adicará 1,8 millóns de euros a cubrir toda a demanda de bolsas de libros e comedor dos centros educativos da cidade. Deste xeito, neste curso o Concello financiará 5.000 bolsas de libros e 1.400 de comedor, de xeito, que non hai listas de agarda, explicou o rexedor, tal e como se comprometera públicamente.
O alcalde informou este mércores da resolución da convocatoria de axudas extraordinarias para familias, que beneficiará a 1.253 solicitantes. Máis de 900.000 euros serán para pagos de hipoteca ou aluguer, 204.000 euros para electricidade e gas e outros 695.000 euros van destinados á adquisición de alimentos. As cantidades a percibir varían en función dos ingresos, o número de membros da unidade de convivencia e de ter ou non hipoteca ou aluguer.