xoves, 29 mai 2014
Abel Caballero explicou este xoves que o goberno local, ao longo da última semana, concedeu a familias con escasos recursos económicos 20 axudas de emerxencia para o aluguer, 7 para abonar recibos da auga, outras 17 achegas para o pago da enerxía e 35 axudas para alimentación. O alcalde salientou que Vigo aplica "a política social máis de esquerdas que se fai en ningún municipio de España".
xoves, 29 mai 2014
Un convenio entre o Concello e a Asociación Solidariedade Galega co Pobo Saharaui permitirá que nenos e nenas viaxen desde os campos de refuxiados de Tinduf a Vigo para pasar os meses de xullo e agosto con familias de acollida. O rexedor explicou que se trata dun apoio "humanitario e político por unha causa xusta".
luns, 26 mai 2014
A concelleira de Benestar, Isaura Abelairas, fixo un balance positivo das actividades que dende o concello se están a promover en favor da igualdade e da defensa das mulleres maltratadas. En rolda de prensa explicou que son máis de sete mil as mulleres que participan nos obradoiros formativos e nos servizos de asesoramento municipais.
venres, 23 mai 2014
Abel Caballero e a presidenta de Médicos do Mundo en Vigo asinaron esta mañá de venres un convenio de colaboración por 50.000 euros. Deste xeito, o Concello subvenciona o 40% de CEREDA, o Centro de Reducción de Daños que esta ONG xestiona en Vigo para atender a drogodependientes. Esta colaboración súmase á partida orzamentaria que as arcas municipais destinan ao CEDRO.
xoves, 22 mai 2014
Abel Caballero firmou hoxe xoves un convenio coa Rede de Mulleres polos Malos Tratos, que supón un apoio económico por valor de 13.500 euros destinados a promover as actividades da rede e á loita pola igualdade e contra a violencia de xénero. Esta subvención, compleméntase con outras actividades municipais na defensa das mulleres vítimas de malos tratos como é o Centro de Emerxencia para toda Galicia, financiado integramente polo Concello.
mércores, 21 mai 2014
O alcalde de Vigo explicou hoxe mércores que en 2013 o Concello achegou case o 71% do orzamento de CEDRO, sendo a asistencia sanitaria unha competencia exclusiva da administración autonómica. Tal e como indicou, as achegas da Xunta pasaron de 695.357 en 2009 euros a 454.067 euros en 2013, mentres que o Concello suple eses recortes aumentando as súa achegas ano tras ano.
venres, 16 mai 2014
No marco do programa "Vente con Nos" que acolle o convenio de colaboración que ten asinado a Concellería de Cultura Festas e Museos coa Agrupación de Centros Deportivos e Culturais da nosa cidade, informase da apertura do prazo de admisión de solicitudes ata ás 13.30 horas do día 30 de maio do presente ano.
mércores, 23 abr 2014
O concelleiro de Deportes, Manel Fernández, animou a todo Vigo a achegarse o próximo sábado ás Travesas para disfrutar dos XVIII Xogtos Olímpicos de baloncesto para persoas con discapacidade. Unha xornada deportiva, organizada por Special Olympics Galicia e FADEMGA FEAPS Galicia, e promovidos pola Asociación SAN FRANCISCO, de Vigo, que reunirá a máis de 300 deportistas.
martes, 15 abr 2014
O alcalde de Vigo asinou este martes sendos convenios de colaboración coas entidades sociais Banco de Alimentos e Érguete. Segundo estes acordos de colaboración, a primeira ONG recibirá 43.000 euros, mentres que a asociación de axuda ao toxicómano ingresará 45.000 euros.
mércores, 9 abr 2014
Desde hoxe mércores ata o luns 28 de abril estará aberto o prazo para solicitar as axudas de bonotaxi. Cunha partida económica de 25.000 euros, este ano, ademais do grado de dicapacidade dos usuarios, terase en conta o nivel de renda e as achegas oscilarán entre os 100 e os 300 euros.
