O goberno local adicará 1,8 millóns de euros a cubrir toda a demanda de bolsas de libros e comedor dos centros educativos da cidade. Deste xeito, neste curso o Concello financiará 5.000 bolsas de libros e 1.400 de comedor, de xeito, que non hai listas de agarda, explicou o rexedor, tal e como se comprometera públicamente.
O alcalde informou este mércores da resolución da convocatoria de axudas extraordinarias para familias, que beneficiará a 1.253 solicitantes. Máis de 900.000 euros serán para pagos de hipoteca ou aluguer, 204.000 euros para electricidade e gas e outros 695.000 euros van destinados á adquisición de alimentos. As cantidades a percibir varían en función dos ingresos, o número de membros da unidade de convivencia e de ter ou non hipoteca ou aluguer.
O alcalde de Vigo, Abel Caballero, asinou este luns un convenio de colaboración entre a administración que preside e FEAFES, a Federación de Asociacións de Familiares de Enfermos Mentais de Galicia. Coa achega económica rubricada esta mañá, o goberno local colabora coa entidade nos gastos de financiamento do seu local, ubicado en Serefín Avendaño.
Co apoio do Concello de Vigo, ASPANAEX celebra a súa 31ª Marcha, coa presenza de persoas destacadas da vida social, política e económica, que se suman este ano á proposta solidaria. A organización agarda conseguir o domingo o récord de asistentes.
O alcalde, a tenente de alcalde e os responsables e usuarios de Aspanaex presentaron este venres a 31ª edición da marcha, que terá lugar o próximo domingo, 5 de outubro, con saída e chegada no parque de Castrelos. Tanto Caballero como Silva eloxiaron o traballo da entidade e chamaron a sumarse a unha cita lúdica a prol dos dereitos das persoas con discapacidade intelectual.
O rexedor deu conta hoxe martes da concesión de 2.300 axudas de emerxencia social no que vai de ano, cun montante que ascende aos 465.000 euros. Nesta mesma semana, o goberno local adxudicou achegas por preto de 18.000 euros.
O alcalde participou este martes na rolda de presentación do Día Mundial do Alzheimer xunto ao presidente de AFAGA, Juan Carlos Rodríguez. O domingo, 21 de setembro, será a xornada central dunha semana de actividades para a reflexión e concienciación cidadá. Caballero indicou que o alzheimer é unha "loita" na que "nos temos que involucrar todos".
Abel Caballero anunciou esta mañá que a partida para axudas de emerxencia social aumentará ata os 545.000 euros, unha vez o goberno local aprobou una suba de 100.000 euros. Ata o momento, entregáronse 2.600 achegas para luz, auga, aluguer o gastos médicos, ademais de 150 tarxetas para alimentación.
Caballero asinou este martes o acordo coa Fundación, segundo o cal o Concello achega 8.000 euros para subvencionar nun 73% o custo da estancia puntual das persoas discapacitadas no edificio da entidade. Os usuarios abonan 45 euros diarios por persoa, polos 123 euros que achega a administración local.
Abel Caballero asinou hoxe venres un convenio de colaboración cos responsable da Asociación de Familiares de Enfermos de Alzheimer y otras demencias de Galicia. Cun importe de 18.000 euros este acordo servirá para o desenvolvemento dun programa de estimulación cognitiva e funcional para persoas con demencias neurodexenerativa.