O Concello e A Golpe de Pedal organizan esta actividade que, dende o ano 2002, leva recollidas máis dun milleiro de bicicletas para as familias viguesas con menos recursos. O alcalde anunciou que no vindeiro mes de abril Vigo contará cun carril bici que percorrerá toda a cidade para promover o uso deste medio de transporte.
O Concello coopera un ano máis na organización do mercadiño De boa man no que discapacitados de dez asociacións da cidade expoñen e venden artigos e produtos realizados polos propios usuarios. Esta iniciativa, situada nunhas carpas na rúa Príncipe, ten por obxectivo involucrar a todo o tecido social na integración social das persoas con discapacidade.
O alcalde de Vigo asinou hoxe xoves un convenio de colaboración co Banco de Alimentos por valor de preto de 14.000 euros. En declaracións aos medios, o rexedor aproveitou para animar a toda a cidadanía a apoiar a campaña de recollida que vai desenvolver a entidade esta fin de semana.
O alcalde trasladou hoxe xoves o apoio do Concello á proxecto de Down Vigo de crear un centro de día no Casco Vello para usuarios de toda a área metropolitana. Logo de manter un encontro co presidente e o tesoureiro, Caballero eloxiou o proxecto e cualificou de "magnífica" a opción de ubicar esta dotación no edificio lindante co Rexistro da Propiedade.
Así o avanzou este mércores Abel Caballero, quen recordou que o Programa Municipal de Axudas Extraordinarias a Familias adica 2 millóns de euros para que quen máis o precisa poida facer fronte aos seus pagos de aluguer ou hipoteca, a electricidade, o gas e a alimentación. "A min gustaríame que noutras cidades tomaran exemplo", asegurou o alcalde.
O alcalde informou este luns da aprobación en Xunta de Goberno Local da resolución da convocatoria do Programa Municipal de Axudas Extraordinarias a Familias, dotado de 2 millóns de euros. Un total de 1.828 solicitantes recibirán pagos de aluguer e hipoteca, subministros enerxéticos e alimentación. Caballero salientou que 1.500 familias percibirán axudas para pagar a súa vivenda. <br />
Segundo explicou esta luns o alcalde, as subvencións van pagarse "de forma inmediata", unha vez que se deu por finalizado o proceso de tramitación técnica das Axudas Extraordinarias a Familias, por un valor total de 2 millóns de euros, e no que se recibiron 3.000 solicitudes por parte das familias viguesas que precisan desta subvención municipal para poder afrontar os seus pagamentos.
Segundo anunciou este martes o alcalde, a Xunta de Goberno Local acordou incrementar de novo a partida para axudas de emerxencia a familias en 70.000 euros para atender a demanda dos que máis o precisan, que se suman aos 200.000 euros xa engadidos nos meses de xullo e agosto aos 445.000 euros que figuran no orzamento municipal para 2015. O total de fondos adicados ao efecto polo Concello de Vigo neste ano elévase a preto de 750.000 euros.
Impórtanos, a Coordinadora Galega de ONGD e a Rede Social Galicia Sur (RSGS) organizan en Vigo a Semana de loita contra a pobreza e as desigualdades no marco da campaña Pobreza Cero convocando á cidadanía o venres, día 23, a decorar de forma conxunta, co apoio do proxecto Til Diacrítico, o muro xunto ao Centro de Inclusión de Vigo, na rúa Marqués de Valterra dende as 16:30. Para pechar o acto, ás 19:30 horas, terá lugar a concentración e a lectura do manifesto.<br />
A concelleira de Benestar Social, Isaura Abelairas, participou esta mañá nos actos do Día Mundial da Parálisis Cerebral, organizados pola asociación Apamp na praza de America.