mércores, 17 mar 2021
O alcalde explicou este mércores que con este proxecto de colaboración ámbalas entidades queren reducir as situacións de pobreza enerxética na cidade cun orzamento de 50.000 euros anuais que permitirán realizar intervencións para mellorar a eficiencia enerxética.
martes, 16 mar 2021
A Xunta de Goberno Local vén de aprobar as bases reguladoras e a convocatoria para o ano 2021 das subvencións destinadas a proporcionar un medio alternativo de transporte adaptado a persoas afectadas por graves discapacidades na súa mobilidade.
mércores, 10 mar 2021
A comisión municipal de axudas de emerxencia acordou conceder outras 129 axudas por valor de 30.557 euros, segundo informou este mércores o alcalde, quen indicou que as reunións son dúas veces por semana cunha media de 60.000 euros semanais. Caballero subliñou os 76 apoios económicos concedidos para pagos de aloxamento: “Estamos evitando desafiuzamentos”.
martes, 9 mar 2021
A Xunta de Goberno Local vén de aprobar a transferencia de financiamento do goberno municipal á Fundación Marco que supón o 72% do seu orzamento para 2021. Tamén deu luz verde á achega de 125.000 euros para da Fundación Vigo en Deporte e 70.000 euros para programas de Benestar.
mércores, 3 mar 2021
O alcalde realizou este mércores o balance da actividade deste servizo que atendeu a 400 familias e 1.270 usuarios e que reflicte "a nosa vocación de axudar ás familias". O goberno municipal destina 710.000 euros anuais a este programa.
venres, 26 feb 2021
Este domingo, 28 de febreiro, Día mundial das enfermidades raras, o Concello iluminará de verde as fontes da rúa Aragón, segundo expuxo o rexedor, para dar visibilidade a estas doenzas que afectan a "un número importante de persoas en Galicia". O goberno municipal atende así a petición realizada desde a Federación Galega de Enfermidades raras e crónicas (Fegerec)
venres, 26 feb 2021
O alcalde dei conta esta mañá da contratación dunha plataforma para a xestión integral dos expedientes de Benestar Social, unha modernización tecnolóxica que permitirá reducir prazos, trámites e ofertar mellor atención aos usuarios. Esta iniciativa ten un custo de 562.000 euros a executar en dous anos, coa participación de fondos DUSI.
xoves, 25 feb 2021
A concelleira de Política de Benestar Social, Yolanda Aguiar, confirmou este xoves que nos vindeiros días haberá novas probas e sinalou que desde o pasado outono xa se realizaron tres cribados masivos (outubro, novembro e febreiro) entre os usuarios e os traballadores, ademais do control diario de constantes vitais.
mércores, 24 feb 2021
Abel Caballero recibiu este mércores a visita na Alcaldía das 9 traballadoras sociais que se incorporan ao servizo e que eleva a 40 o número de profesionais que atenden unha demanda que crece a causa da crise sanitaria. Deste xeito, o Concello aumenta case nun 30% o cadro de persoal.
luns, 22 feb 2021
A administración local conta con 9 traballadoras sociais máis, o que eleva a 40 o número de profesionais que atenden unha demanda que crece a causa da crise sanitaria. Deste xeito, o Concello aumenta case nun 30% o cadro de persoal.