A Xunta de Goberno Local aprobou a bolsa de emprego para nomear a diplomados en Traballo Social como interinos. Hoxe venres, Abel Caballero avanzou que a próxima semana prevé sumar oito profesionais á xa contratada en novembro, un reforzo total de nove traballadoras sociais para afrontar o aumento de demanda dos servizos sociais pola pandemia.
A Xunta de Goberno Local deu o visto e prace ao proxecto para rehabilitar o edificio de rúa Alta 23 e levantar o novo Centro de Formación do Casco Vello. O alcalde indicou que a infraestrutura, cun investimento de case 700.000 euros, estará rematada a finais do presente ano.
A moción do grupo municipal socialista recibiu o apoio do resto de grupos, agás o PP que se abstivo, na reclamación ao goberno autonómico da elaboración dun plan a 4 anos, dotado nos seus orzamentos con 40 millóns de euros, para abordar a renovación integral dos colexios vigueses.
“A obra mereceu a pena, a zona cambiou radicalmente”, comentou este luns Abel Caballero, logo de visitala. O espazo conta agora con céspede natural, área de xogos tradicionais, iluminación LED e novo mobiliario urbano, a disposición tamén das entidades con locais cedidos polo Concello: Afaga, Asem Galicia, Parkinson Vigo e Érguete.
Un total de 117 persoas están acollidas a día de hoxe nos albergues e hostais da cidade a cargo do Concello. Ademais, o alcalde sinalou que foron aprobadas novas axudas de emerxencia para atender as necesidades das familias viguesas e que o importe total desde o inicio da pandemia suma xa máis de 1,6 millóns de euros.
Abel Caballero trasladou tamén a necesidade de apoiar aos sectores que están soportando maioritariamente o peso desta crise, é dicir, a hostalería e o pequeno comercio.
Abel Caballero garantiu que o Concello de Vigo está parando todos os desafiuzamentos que están en marcha no municipio e alertou de que a Xunta de Galicia non atende á demanda de vivenda social na cidade. “É unha calamidade, un drama”, sinalou.
No último semestre de 2020, os 42 traballadores do programa realizaron 2.922 acompañamentos e visitas ás persoas usuarias do servizo que presta o Concello de xeito gratuíto e efectuaron 13.595 actuacións informativas á veciñanza na rúa.
A Xunta de Goberno Local deu luz verde á posta en marcha do programa municipal para arrumbar medianeiras e outros elementos verticais con incidencia sobre a vía pública ao abeiro do cal xa se realizaron 133 murais na cidade.
Cedidas polo Goberno de España, o Concello entrégaas principalmente entre colectivos vulnerables e/ou en risco de exclusión, que reciben 30.000. Outras 10.000 se distribuirán nos mercados municipais e as 5.000 restantes, a asociacións de maiores. Desde primavera, Vigo facilitou en total case que 300.000 máscaras, segundo subliñou este xoves o alcalde.