O Concello ilumina de verde as fontes de Aragón para sensibilizar sobre a miastenia
Trátase dunha enfermidade neuromuscular, autoinmune e crónica e este xoves, 2 de xuño, se conmemora o Día Internacional da Miastenia. Vigo súmase á sensibilización da xornada tinguindo de verde as fontes de Aragón con Jenaro de la Fuente, atendendo a demanda da Asociación Miastenia de España.
A entidade pretende concienciar á cidadanía sobre unha enfermidade que padecen miles de persoas no mundo, que se caracteriza por debilitar os músculos involucrados nos movementos dos ollos e expresións faciais, entre outros. A petición da Asociación, na noite deste xoves o Concello ilumina de verde as fontes de Aragón para cooperar na sensibilización sobre a miastenia, segundo trasladou en rolda de prensa o alcalde, Abel Caballero.