mércores, 22 set 2010
A concelleira de Benestar Social, María Méndez, presentou hoxe o primeiro Plan das Migracións e Convivencia Intercultural de Vigo, que ten como obxectivo acadar a integración real das persoas inmigrantes. O plan define 19 medidas de actuación, a desenvolver ata o ano 2013, para favorecer a interculturalidade e a convivencia e facer de Vigo unha cidade de acollida e integración dunha poboación inmigrante que representa o 6% do censo.
venres, 17 set 2010
A concelleira de Benestar Social, María Méndez, presentou hoxe a campaña de sensibilización que o Concello de Vigo está desenvolvendo en apoio á iniciativa "Fai ruído polos Obxectivos de Desenvolvemento do Milenio", coa que se pretende reclamar aos líderes mundiais que reforcen o seu compromiso na loita contra a probreza. "Ese ten que ser un obxectivo de todos e todas e especialmente agora porque a crise afecta máis aos países en desenvolvemento", afirmou a nacionalista.
mércores, 8 set 2010
A concelleira de Benestar Social, María Méndez, anunciou hoxe que o seu departamento concederá este ano un 14% máis de becas de libros e comedor que o curso pasado. O incremento do orzamento permitiu atender a 2.258 solicitantes, 1.724 son de axudas de comedor e 534 de libros. A nacionalista salientou que nunca antes se concederan tantas becas e precisou tamén que nos dous últimos cursos practicamente se duplicou o orzamento e o número de persoas atendidas.
martes, 7 set 2010
O mércores 8 de setembro celebrarase o Día do Cooperante, tal e como foi declarado en Consello de Ministros no 2006, así como a adopción da Declaración do Milenio de Nacións Unidas.<br />
O pleno do Concello de Vigo quere sumarse as dúas conmemoracións e asumir o que significa a cooperación internacional e a loita contra a pobreza, polo que fai a seguinte Declaración Institucional
mércores, 11 ago 2010
A concelleira de Benestar Social, María Méndez, fixo este mércores balance do servizo de Atención Primaria municipal correspondente aos seis primeiros meses de 2010. Na súa intervención, a edil nacionalista destacou o incremento do 29% de solicitudes das Risga, o aumento do 35% as correspondentes a dependencia e a subida do 18% das axudas de emerxencia social.
venres, 23 xul 2010
A concelleira de Benestar Social, María Méndez, visitou hoxe o dispositivo de baño para persoas con discapacidade instalado na praia de Samil. O servizo, que se ofrece tamén en O Vao, funciona desde o 1 de xullo e manterase ata o 31 de agosto para que a xente con mobilidade reducida poda acceder á praia, bañarse no mar ou ducharse.
mércores, 14 xul 2010
A concelleira de Benestar Social, María Méndez, participou hoxe en Santiago na presentación do proxecto que o Fondo Galego de Cooperación e Solidariedade impulsará en colaboración coa ONU para o desenvolvemento da provincia mozambicana de Maputo cun investimento de 62.342 euros. O Concello de Vigo cofinancia con 15.000 euros o proxecto que se levará a cabo en parcería co PNUD a través da iniciativa ART de artellamento de redes territoriais.
luns, 12 xul 2010
O alcalde, Abel Caballero, o tenente de alcalde, Santi Domínguez, e a concelleira de Benestar Social, María Méndez, deron hoxe a benvida aos preto de 50 nenos e nenas saharauis que participan no programa de acollemento temporal "Vacacións en paz". Mediante esta recepción, o Concello de Vigo quixo amosar a súa solidariedade co pobo saharaui e o seu agradecemento ás familias de acollemento, coas que os menores pasarán os meses de xullo e agosto.
venres, 9 xul 2010
O tenente de alcalde, Santi Domínguez, e a concelleira de Benestar Social, María Méndez, visitaron este venres unha das sesións das actividades interxeneracionais ao aire libre, en concreto a que ten lugar os mércores e os venres na zona axardinada da avenida Castelao, á altura do número 49
