O alcalde de Vigo, amosou hoxe mércores, o recoñecemento do Concello de Vigo coa asociación Special Olympics Galicia, porque fan visible ante a sociedade os dereitos das persoas, "dos chicos e das chicas con discapacidad intelectual que necesitan dun espacio de intercambio de experiencias e de apio e iso é o que van facer aquí o domingo".
A concelleira de Benestar Social, María Méndez, presentou este luns o programa Bonotaxi 2011, que recibiu un total de 241 solicitudes, un 26% máis que no 2010. A concelleira nacionalista afirmou que esta iniciativa, da que se beneficiarán 160 persoas, amosa a "decidida aposta da Tenencia de Alcaldía e a Concellería de Benestar Social por mellorar as condicións de vida das persoas con discapacidade".
A concelleira de Benestar Social, María Méndez, presentou este mércores o programa de Balnearios, que este ano ofrece un total de 450 prazas, un 39% máis que no 2007 cando asumiu a xestión da Concellería de Benestar Social. María Méndez destacou que o programa desenvólvese en dúas quendas, primavera e outono, nos balnearios de Cuntis, A Toxa, Mondariz e o Talaso de Oia.
A concelleira de Benestar Social, María Méndez, anunciou este mércores que xa está aberto o prazo para participar nos programas Verán de Lecer e Sábados Dinámicos. María Méndez destacou que estas dúas iniciativas, destinadas ás persoas con discapacidade, reflicten a aposta pola igualdade de oportunidades de todas as persoas, da que son "abandeiradas a Concellería de Benestar Social e a Tenencia de Alcaldía".
A concelleira de Benestar Social, María Méndez, anunciou hoxe que o prazo para solicitar as axudas municipais para libros e comedor é do 2 ao 13 de maio. A edil do BNG destacou que o incremento do orzamento deste programa respecto ao 2010 en 70.000 euros, chegando nesta convocatoria aos 700.000 euros, é exemplo do compromiso dos nacionalistas coas familias máis necesitadas, consecuencia da crise económica.
A concelleira de Benestar Social, María Méndez, visitou este venres a Asociación Viguesa de Esclerosis Múltiple (Avempo), á que agradeceu o seu labor coas persoas que padecen esta enfermidade. A concelleira nacionalista expresou o seu compromiso a seguir colaborando con esta entidade para que poida seguir traballando na mellora da calidade de vida dos afectados e afectadas.
O tenente de alcalde, Santi Domínguez, e a concelleira de Benestar Social, María Méndez, presentaron este xoves os acordos de colaboración con catro entidades que traballan no eido das drogodependencias, como son Érguete, Madro, Alborada e Médicos do Mundo, ás que se destinan un total de 180.000 euros. Os nacionalistas destacaron que pese aos recortes da achega efectuada pola Xunta para realizar estes programas, o Concello de Vigo mantivo o seu investimento e ademais logrou quintuplicar o número de usuarios e usuarias en catro anos nos programas de prevención, ao chegar a máis de 10.000 persoas neste curso 2010-2011.
A concelleira de Benestar Social, María Méndez, presentou este venres a xornada de prevención das drogodependencias "Eu son eu", dirixido a nenos e nenas de 12 anos. No transcurso do acto, a edil nacionalista transmitiu aos alumnos e alumnas de 6º de Primaria do colexio Salesianos a importancia de promover hábitos saudabeis e "saber dicir non" ante as diversas situacións que cada un e cada unha debe afrontar na nenez e na adolescencia.
A concelleira de Benestar Social, María Méndez, visitou este martes o curso de Risoterapia do programa de Avellentamento Activo que se está desenvolvendo no Centro Cívico do Casco Vello. A concelleira nacionalista amosou a súa satisfacción pola boa acollida que está a ter esta iniciativa, que considerou exemplo das políticas transformadoras postas en marcha polo BNG, xa que o programa de Avellentamento Activo desenvólvese actualmente en 24 asociacións veciñais de Vigo.
A concelleira de Benestar Social, María Méndez, afirmou este venres na apertura do curso "Manipulador de alimentos" que proporcionar información e formación é un dos obxectivos do proxecto Redess, posto en marcha no 2010 para coordinar o traballo das asociacións que desenvolven a súa laboura no eido da exclusión social severa. "Afondar na formación dos voluntarios e voluntarias é unha forma de mellorar a calidade dos servizos que se ofrecen", asegurou a concelleira nacionalista.