Unha mostra artística, valente, crítica, para contribuír ao cambio necesario na nosa forma de vida
xoves, 29 set 2011
O venres, 30 de setembro, ás 20 horas, inaugúrase na Casa das Artes a exposición "PUERTAS. A Vida que levamos. O Mundo que queremos", unha mostra de 500 m2, artística e comprometida, que xa foi visitada por 25.000 persoas en diferentes cidades españolas. É a primeira vez que a exposición pode verse en Galicia.
xoves, 29 set 2011
O alcalde de Vigo, Abel Caballero, e a concelleira de Política de Benestar, Isaura Abelairas, presentaron hoxe xoves xunto aos responsables da Asociación da XXVIII Marcha Aspanaex, que celebrarase este domingo ás 10:30 horas desde o Auditorio do Parque de Castrelos. Esta edición rendirá unha homenaxe á memoria do Irmán Marista Virgilio González, antigo director de Aspanaex.
venres, 23 set 2011
A concelleira de Política de Benestar, Isaura Abelairas, participará na marcha de sensibilización sobre as leucodistrofias que se celebrará o sábado día 24 de setembro, ás 17 horas. Partirá do Parque de Castrelos (escenario pequeno situado á esquerda onde se lerá un manifesto relativo á xornada mundial sobre esta enfermidade), e que continuará o percorrido ao longo da Avenida de Castrelos, Gran Vía, Urzáiz e Príncipe, até chegar á Porta do Sol,onde terá lugar a solta de globos brancos en símbolo do apoio a todas as familias que sofren esta enfermidade.
xoves, 22 set 2011
Nunha reunión mantida este xoves na Alcaldía, Abel Caballero asegurou que apoiará á Fundación Banco de Alimentos na súa función solidaria na cidade, dadas as dificultades que teñen derivadas da reducción de duas terceiras partes dos fondos económicos que viñan percibindo da Unión Europea. O alcalde solidarizouse coa Fundación, analizaron a situación dos comedores aos que prestan servizo e respaldará desde o Concello a súa laboura social.
luns, 19 set 2011
O rexedor de Vigo inaugurou hoxe luns as instalacións do Centro de atención intregral contra o alzheimer situadas na rúa Martínez Garrido. As instalacións préstanse especialmente, indicou, porque son amplas e están rodeadas de zonas verdes para pasear. Con este, xa son cinco as asociacións sociais que desenvolven a súa actividade en locais cedidos polo Concello.
martes, 9 ago 2011
Abel Caballero, xunto á tenente de alcalde, Carmela Silva, e á concelleira de Política do Benestar, Isaura Abelairas, visitaron este martes O Vao para presenciar o servizo municipal de cadeiras anfibias que permite aos discapacitados acceder ao baño neste Areal e en Samil en xullo e agosto. O alcalde apuntou que, de cara ao próximo verán, o obxectivo é amplialo para estar dispoñible do 15 de xuño ata o 15 de setembro.
luns, 1 ago 2011
O alcalde de Vigo, xunto coa primeira tenente de alcalde, Carmela Silva, e a edil de Política do Benestar, Isaura Abelairas, recibiron este luns aos nenos saharauis e ás familias viguesas que os acollen durante un mes na cidade, "con crise ou sen crise", salientou Caballero. Desta volta, o programa "Vacacións en Paz" -no que o Concello faise cargo dos desprazamentos- trouxo a Vigo a 58 rapaces.
martes, 12 xul 2011
O antigo edificio da Escola de Hostelería, onde irá ubicado o Centro de Inclusión Social, presenta unha calificación incompatible co uso para albergue, e o alcalde anunciou que o expediente administrativo de desafección do terreo está preparado e agarda que poida levarse ao próximo Pleno da Corporación, este mes de xullo. Caballero datou para inverno o funcionamento da instalación do Berbés.
martes, 5 xul 2011
O alcalde de Vigo, Abel Caballero, e a concelleira de Política de Benestar, Isaura Abelairas, visitaron hoxe martes o Museo Verbum, onde lévase adiante o programa municipal "Lecer no Verán" para persoas con discapacidade. Explicou Caballero que esta iniciativa ten lugar durante as mañás dos meses de xullo e agosto, cun prezo de 5 euros máis o transporte, e con persoal especializado para a atención dos participantes.
luns, 4 xul 2011
O alcalde, Abel Caballero, e a concelleira de Política de Benestar, Isaura Abelairas, presentaron este luns as actividades gratuitas de verán que organiza o Concello, de luns a venres durante xullo e agosto, nas prazas e nos parques biosaudables. Caballero definiu o programa como unha "fórmula para combinar o exercizo e o divertimento" e apuntou que este ano inclúe monitores como novidade. O alcalde avanzou que o goberno local estuda instalar outros 30 parques biosaudables en Vigo.
