xoves, 1 ago 2024
Abel Caballero saudou este luns aos integrantes de "Estrellas de Buenavista y más" que actuarán ás 22:30 na Porta do Sol. Os músicos e bailaríns de nacionalidade cubana explicáronlle ao rexedor a filosofía do seu grupo, así como o repertorio de temas co que encherán de ritmos caribeños a céntrica praza de Vigo. Sobre o escenario, 13 músicos e bailaríns animarán a primeira noite do mes de agosto.
xoves, 1 ago 2024
O goberno municipal de Vigo aprobará definitivamente mañá o reparcelamento da unidade de Hernán Cortés, na confluencia entre as rúas María Berdiales, Hernán Cortés e Colmeiro Laforet, que pasará a contar cunha praza de uso público de 817 metros, segundo adiantou este xoves Abel Caballero. “Trátase dunha actuación estrutural de mellora importante na cidade de Vigo”, afirmou o alcalde.
xoves, 1 ago 2024
A Xunta de Goberno Local aprobará a pavimentación da totalidade da rúa República Arxentina, así como o tramo entre a rotonda de Rosalía de Castro e a rúa Pontevedra, cun investimento de 183.354 euros. “Trátase da mellora dun tramo de máis de medio quilómetro de extensión”, apuntou Abel Caballero ao avanzar que as obras servirán para mellorar as condicións de seguridade viaria.
xoves, 1 ago 2024
Caballero anunciou que se deseñou un servizo especial nocturno que incrementará as frecuencias da liña N1 que conecta Samil co centro da cidade.
mércores, 31 xul 2024
Abel Caballero reuniuse hoxe co novo bispo da diocese de Tui-Vigo, Antonio José Valín. A primeira toma de contacto oficial, celebrada na alcaldía de Vigo, serviu de escenario para que o alcalde reiterara a vontade de colaboración e participación do Concello nos actos da cidade como as procesións do Cristo da Victoria, que terá lugar o domingo 4 de agosto, e a de Semana Santa. Tamén trasladoulle ao bispo que o Goberno da cidade manterá a súa cooperación no mantemento, conservación e restauración de bens, mobles e inmobles de titularidade eclesiástica.
mércores, 31 xul 2024
Abel Caballero recibiu a Lola Martínez, a viguesa campioa de cálculo con 10 anos. O alcalde felicitou á moza, que foi capaz de resolver un total de 70 operacións matemáticas en tan só tres minutos e medio no Campionato Mundial de Cálculo Mental Aloha. Na competición participaron un total de 600 nenos de 40 países, que resolveron múltiples operacións matemáticas como restas, multiplicacións, raíces ou potencias. Con todo, Lola foi a única de España na súa categoría, proclamándose campioa do mundo. "Todo un orgullo", afirmou o rexedor.
mércores, 31 xul 2024
O vindeiro sábado arrincará a montaxe do circuíto onde o 10 de agosto terá lugar o "espectáculo excepcional" da proba de bicicleta de montaña de O Marisquiño, enmarcada no festival da cultura urbana, que se desenvolverá en Vigo do 8 ao 11 de agosto. Así o avanzou hoxe Abel Caballero ao presentar as competición de MBT que se desenvolverá nos dous quilómetros do traxecto entre a fortaleza do monte de O Castro e a Praza do Berbés. “O Marisquiño este ano é a segunda olimpíada, xa que seguramente medallistas de París van estar practicando deporte e competindo en Vigo ”, afirmou.
mércores, 31 xul 2024
Abel Caballero anunciou este martes que o Ministerio de Ciencia Innovación e Universidades concedeu, por segunda vez consecutiva, a distinción a Vigo como “Cidade da Ciencia e a Innovación”, outorgada por primeira vez en 2020, en recoñecemento ao esforzo e aposta realizada pola innovación en todos os grandes proxectos que desenvolve o Concello na cidade.
martes, 30 xul 2024
Abel Caballero garantiu o seu apoio permanente como alcalde de Vigo aos cento dezasete policías e inspectores da Policía Nacional en prácticas que este martes protagonizaron o acto de presentación organizado na Porta do Sol de Vigo. Ante o delegado do Goberno en Galicia, Pedro Blanco, o subdelegado en Pontevedra, Abel Losada, e os mandos policiais galegos, o rexedor recalcou o seu respaldo "porque sei da dificultade do voso traballo e da necesidade de sentir que a sociedade vos apoia". Reiteroulles a súa felicitación, "respecto e afecto" polo traballo que realizan para garantir a seguridade da cidadanía.
venres, 26 xul 2024
O Concello informa sobre a prevención da Hepatite C no Día Mundial das Hepatites Víricas, que se conmemora este domingo 28 de xullo. O alcalde lembrou que Vigo está adherida á Alianza para a Eliminación das Hepatites Víricas en España polo que o goberno seguirá concienciando á poboación sobre esta enfermidade e a súa prevención.
