venres, 5 dec 2003
O Alcalde de Vigo en funcións, Ventura Pérez Mariño, destacou hoxe a importancia do traballo que desenvolven os voluntarios e agradeceulles a entrega coa que se prestan a colaborar sen máis compensacións que o sentirse útiles. Pérez Mariño fixo estas declaracións minutos antes de descubrir unha placa situada na lonxa do Concello que conmemora a entrega coa que case 11.000 persoas traballaron desinteresadamente para paliar os efectos do "Prestige".
xoves, 4 dec 2003
O Alcalde en funcións de Vigo, Ventura Pérez Mariño, visitou hoxe as instalacións municipais dos bombeiros de Balaídos e Teis para transmitirlle aos efectivos a súa gratitude polo traballo desenvolvido por este corpo ao longo destes meses de mandato. Acompañado polo concelleiro de Seguridade, Xulio Calviño, Pérez Mariño explicoulle a estes traballadores do Concello de Vigo que neste tempo de Goberno sentiu en todo o momento o apoio do funcionariado. <br />
xoves, 4 dec 2003
O recoñecido humorista gráfico Fernando Quesada Porto será o encargado de ler o bando do día da Constitución que se celebrará no Pazo de Castrelos as doce da mañá do próximo sábado día 6. O acto, que este ano conmemora os 25 anos de vida da Carta Magna, contará coa presencia de representantes políticos e sociais significativos da cidade, así como coa Banda de Música de Valladares. Durante a presentación do acto, o Alcalde en funcións de Vigo, Ventura Pérez Mariño, destacou a relevancia desta conmemoración calificando a Constitución como o mellor monumento á concordia na sociedade e como o marco no que todos temos cabida.
martes, 2 dec 2003
O alcalde de Vigo, Ventura Pérez Mariño, visitou hoxe as instalacións do centro de Educación Especial Saladino Cortizo para interesarse polo traballo diario que desenvolven os noventa alumnos deste colexio. Pérez Mariño, que ademais de reunirse cos profesionais do centro e fixo un percorrido polas distintas aulas, asegurou que a sociedade debe concienciarse para prestarlle máis apoio á xente con maiores necesidades e explicou que centros como o Saladino Cortizo fan posible a integración de persoas con algún tipo de diminución e axuda.
luns, 1 dec 2003
O alcalde de Vigo, Ventura Pérez Mariño, recibiu esta mañá o que foi presidente da República Arxentina ,Raul Alfonsín que se encontra estes días de visita particular en Galicia.
xoves, 27 nov 2003
O Alcalde de Vigo, Ventura Pérez Mariño, foi o encargado de pronunciar o discurso de apertura na conmemoración do 150 Aniversario do Faro de Vigo, un acto que contou coa presencia de Su Majestad Juan Carlos I, ademais de representantes sociais e políticos de toda Galicia e España.
venres, 21 nov 2003
O Alcalde de Vigo, Ventura Pérez Mariño, destacou a importancia de que se analice e profundice sobre dereito laboral nunha cidade na que a industria é o motor da sociedade. Ao longo da inauguración das VII Xornadas de Outono de Dereito Social, promovidas por Xustiza e Sociedade, o rexidor fixo referencia ás deficiencias que padece Vigo en materia de dotacións xudiciais.
xoves, 20 nov 2003
Os vintesete rapaces que hoxe ocuparon os asentos dos corporativos municipais no Pleno Extraordinario Infantil que se desenvolveu con motivo do “Día internacional dos nenos e das nenas” reclamaron a supresión das barreras arquitectónicas e o fomento da integración das persoas discapacitadas.
luns, 17 nov 2003
O Alcalde de Vigo, Ventura Pérez Mariño, asistiu hoxe á presentación de sete novos vehículos cos que a empresa concesionaria Vitrasa contribuirá á renovación da súa flota.
venres, 14 nov 2003
O concelleiro de Vía Urbana, Miguel Barros, participará na reunión do VI Buró Executivo da Conferencia de Cidades do Arco Atlántico que se desenvolverá o luns 17 de novembro en Xixón. No encontro, estudiarase un documento de estratexia sobre a acción da Conferencia nos próximos dous anos, ademais de abordarse temas vencellados á política rexional europea, á axenda das distintas comisións que integran este organismo.
