O humorista gráfico Fernando Quesada lerá o bando do día da Constitución
O recoñecido humorista gráfico Fernando Quesada Porto será o encargado de ler o bando do día da Constitución que se celebrará no Pazo de Castrelos as doce da mañá do próximo sábado día 6. O acto, que este ano conmemora os 25 anos de vida da Carta Magna, contará coa presencia de representantes políticos e sociais significativos da cidade, así como coa Banda de Música de Valladares. Durante a presentación do acto, o Alcalde en funcións de Vigo, Ventura Pérez Mariño, destacou a relevancia desta conmemoración calificando a Constitución como o mellor monumento á concordia na sociedade e como o marco no que todos temos cabida.
Ao longo da presentación, Pérez Mariño asegurou que Fernando Quesada Porto é un intelectual que interpreta a realidade a diario cos seus debuxos e resaltou a súa profesionalidade e cualidades artísticas. Quesada, nacido en Ourense en 1933, empezou a colaborar con debuxos de humor no diario "Faro de Vigo" e máis tarde no Diario da Tarde "Pueblo" de Madrid, nas revistas "Blanco y Negro", "Codorniz", "Posible", "Telerradio", "Gaceta Ilustrada". Os seus traballos protagonizaron exposicións en Vigo, A Coruña, Ourense ou Lugo, ademáis de mostras itinerantes organizadas polo Ministerio de Exteriores en Buenos Aires, Caracas, Lima ou La Paz.
Quesada ten recibido multitude de premios, entre outros, o "Mingote" de ABC, ou "Populares de Pueblo", ten publicados dez libros de debuxos e exhibe algunhas das súas obras no Museo de Castrelos ou no Graboro (Bulgaria).
Descargar todas as imaxes
Quesada ten recibido multitude de premios, entre outros, o "Mingote" de ABC, ou "Populares de Pueblo", ten publicados dez libros de debuxos e exhibe algunhas das súas obras no Museo de Castrelos ou no Graboro (Bulgaria).