Co lema "Unha bici, un sorriso" presentouse a campaña solidaria de recollida de bicicletas usadas organizada pola asociación "A golpe de pedal" e patrocinada pola Concellería de Benestar Social. Despois da reparación, as bicicletas entregaránselles ás persoas con poucos recursos económicos.
O alcalde de Vigo, Ventura Pérez Mariño, visitou hoxe as instalacións do centro de Educación Especial Saladino Cortizo para interesarse polo traballo diario que desenvolven os noventa alumnos deste colexio. Pérez Mariño, que ademais de reunirse cos profesionais do centro e fixo un percorrido polas distintas aulas, asegurou que a sociedade debe concienciarse para prestarlle máis apoio á xente con maiores necesidades e explicou que centros como o Saladino Cortizo fan posible a integración de persoas con algún tipo de diminución e axuda.
A Concellería de Festas e Animación Sociocultural ven a aprobadas as bases do concurso "Vente cos Reis Magos 2004" polo que se seleccionará a 36 menores para acompañar aos Reis Magos, na Cabalgata de Reis , que terá lugar na nosa cidade o vindeiro día 5 de xaneiro. Cada carroza real irá acompañada de doce nenos/as.
A concelleira de Benestar Social, Belén Sío, entregará o premio de integración de discapacitados deste ano a Alcampo Vigo 2 , como empresa pioneira na integración das persoas con discapacidade. O acto terá lugar o mércores ás 19 horas na galería da alcaldía e coincide co "Día Internacional das Persoas con Discapacidade".
O Museo de Arte Contemporáneo de Vigo e o CGAC de Santiago estarán presentes na exposición "Museo de Museos. 25 museos de arte contemporáneo na España da Constitución " que se presenta o día 3 de decembro, no Museo Nacional Centro de Arte Reina Sofía. Na presentación estarán Luis Miguel Enciso, presidente da Sociedad Estatal de Conmemoraciones Culturales e os comisarios, Juan Manuel Bonet e Kevin Power, ademáis dos directores dos museos e centros de arte incluidos na mostra.