venres, 23 mai 2025
"A cidade tínguese de azul", anunciou o rexedor, ao explicar que este venres pola noite, o Halo, a pérgola da Praza de América e a fonte da Gran Vía coa rúa Illas Baleares iluminaranse de azul para apoiar ao Celta de Vigo no seu "gran día para volver a Europa". O equipo pode quedar clasificado mañá sábado tras o partido co Xetafe, que se xoga en Madrid. "Sempre Celta", anima Caballero. A bandeira do Celta ondea tamén no edificio do Concello como símbolo do apoio de todo Vigo.
venres, 23 mai 2025
O alcalde entregou este venres os diplomas aos estudantes de Educación Primaria da cidade que participaron nas "XV Xornadas Municipais de Teatro e Escolar", organizadas pola Escola Municipal de Teatro, e animounos a matricularse o próximo curso para seguir aprendendo. Alumnado dos CEIPs Javier Sensat e Emilia Pardo Bazán pecharon hoxe as actuacións coa representación das obras "O rei león", "Daniel pirata" e "Superpoderes cotiás", respectivamente. Máis de 1.400 nenas e nenos gozaron durante toda a semana das 13 obras teatrais interpretadas por escolares de 6 a 12 anos.
venres, 23 mai 2025
Abel Caballero comprobou este venres o avance das obras de remodelación do antigo local municipal da rúa Santiago. A finais de verán a praza transformarase para achegar á cidadanía un novo espazo de lecer e encontro, coa construción dunha bancada de granito “que permitirá ver as mellores postas de sol do planeta polas Illas Cíes”.
xoves, 22 mai 2025
O alcalde saudou este venres aos membros do Tribunal de Contas e dos consellos de contas das comunidades autónomas que durante dous días celebran un encontro no consistorio. “Apreciamos o seu traballo; controlan as contas dos 8.132 municipios de España, e tiven a oportunidade de trasladarlles o financiamento claro e transparente do Concello”, que desde o ano 2011 ten débeda cero. Participan Navarra, Cataluña, Valencia, País Vasco, Andalucía, Canarias, Madrid, Illas Baleares, Castela-León, Asturias, Aragón e Castela A Mancha e Galicia.
xoves, 22 mai 2025
Abel Caballero participou este xoves na inauguración do XXXII Congreso da Sociedade Española de Estraboloxía e Oftalmoloxía Pediátrica onde puxo en valor a “capacidade, tecnoloxía e avances” conseguidos nestas especialidades que se sitúan “na máxima fronteira do coñecemento”. Ademais deulle a benvida á cidade a tódalas persoas participantes e convidounas a coñecer Vigo e as súas xentes.
xoves, 22 mai 2025
O alcalde anunciou este xoves que envía unha carta ao ministro de Dereitos Sociais, Consumo, e Axenda 2030 esixíndolle que cambie o criterio e o procedemento das viaxes do Imserso para que os viaxeiros de Vigo conten con traslado en autobús ata o aeroporto de Santiago de Compostela.
martes, 20 mai 2025
Abel Caballero asistiu este martes á xornada inaugural do Salón Internacional da Industria Acuícola, "Aquafuture Spain 2025" que, ata o 22 de maio, reúne no Instituto Feiral de Vigo a máis de 210 expositores de 26 países. O alcalde interesouse polas novidades do sector nos contactos con representantes das empresas que lle trasladaron información dos produtos que presentan no maior encontro tecnolóxico, formativo, divulgativo e comercial da acuicultura no sur de Europa.
martes, 20 mai 2025
O alcalde felicitou este martes ao estudantado de Educación Primaria dos CEIPs Mestres Goldar e San Salvador de Teis polo traballo desenvolvido ao longo do curso para poñer no escenario do Auditorio Municipal as obras "A chorar a Vigo", "Ou baúl da avoa", e "The jungle book", respectivamente. A representación de hoxe enmárcase en "XV Xornadas municipais de teatro escolar", organizadas pola Escola Municipal de Teatro cos centros públicos de primaria da cidade desde o luns 19 de maio ao venres 23. Más de 1.400 nenas e nenos gozarán durante toda a semana das 13 obras teatrais interpretadas por escolares de 6 a 12 anos.
martes, 20 mai 2025
Abel Caballero explicou aos 34 alumnos de segundo de Educación Secundaria do IES de Teis, que participan no programa didáctico "Visita ou teu Concello", que cada cinco minutos no Concello de Vigo se adoptan decisións que inciden directamente na vida da cidadanía, tanto en temas como no subministro de servizos básicos como na oferta docente, cultural e de lecer. O alcalde animou ao estudantado a interesarse pola información que recibirán durante a súa visita ao Concello e a prepararse para conseguir a nota que lles garantirá, en cuarto de ESO, acceder a unha bolsa municipal para participar de "Vigo en Inglés".
luns, 19 mai 2025
O alcalde anunciou este luns a aprobación pola Xunta de Goberno de dous acordos “importantes” para o deporte de Vigo. Os deportistas de elite e as entidades deportivas sen ánimo de lucro suman axudas municipais por valor de 100.000 euros.
