O alcalde informou este xoves dos datos de poboación de Vigo que ofrece o Instituto Nacional de Estatística, con data 1 de xaneiro deste ano, e que revelan que a cidade, con 295.323 censados, suma poboación por cuarto ano consecutivo. "Encamiñámonos de novo aos 300.000" habitantes, indicou Abel Caballero.
Abel Caballero reuniuse este mércores cunha comitiva integrada por representantes institucionais e do eido empresarial do municipio de Celaya que están en Vigo co fin de manter diferentes encontros para fortalecer as relacións industriais, comerciais, culturais e educativas entre ámbalas urbes. Vigo e Celaya son cidades irmás desde o ano 2014 e esta visita responde á vontade de seguir desenvolvendo os seus lazos de unión. <br />
Ademais da que dirixe Carmela Silva, tamén responsable de Patrimonio Histórico, o alcalde de Vigo crea Tenencias de Alcaldía de Fomento e Servizos -a cargo de Javier Pardo-, de Economía e Seguridade -pilotada por Elena Espinosa- e de Urbanismo e Territorio -encabezada por María José Caride-, áreas que gañan peso no deseño do novo goberno presidido por Abel Caballero.
O alcalde en funcións informou hoxe de que o Plan municipal de seguimento e avaliación da transparencia e o bo goberno foi seleccionado como un dos tres finalistas na categoría de bo goberno e integridade.
Máis de 150 científicos celebran esta semana en Vigo o XVII Congreso Nacional de Biotecnoloxía. Durante a inauguración, Caballero destacou o papel cada vez máis importante do coñecemento relacionado coa investigación e os avances científicos. "Temos que contar cun núcleo de investigación que avance sempre na mesma dirección e as universidades xogan un papel esencial neste proceso", afirmou.
Abel Caballero participou este martes na festa da comunidade musulmá de Vigo no pavillón do Berbés. O alcalde tomou a palabra durante os actos para invitar a todos os presentes a sentirse partes da cidade e destacou o carácter aberto dos vigueses cara a outras comunidades e outras culturas.
Abel Caballero visitou este xoves no Tinglado do Porto a exposición conmemorativa do 40 aniversario da incorporación da muller á Policía Nacional, que permanecerá aberta durante unha semana. Vigo é a única cidade galega na que poderá visitarse a mostra, un aspecto que agradeceu o rexedor ao tempo que puxo en valor a traxectoria da Policía que "soubo camiñar cos tempos" e traballar en favor da igualdade laboral entre homes e mulleres.
Abel Caballero presidiu esta mañá por videoconferencia a Xunta de Voceiros da FEMP, unha reunión de "carácter máis rutineiro" ao estar en funcións todos os alcaldes e alcaldesas de España, polo que adían as decisións máis importantes para cando estean constituídas as novas corporacións. O presidente da FEMP explicou que quedou aprobada a axenda internacional da entidade "moi singular e importante" e quedou constancia de que a Xunta de Contratación ten "cada vez máis concellos adheridos e é un sistema que está funcionando ben", recalcou.
O alcalde acudiu este xoves á estación marítima, desde onde uns 500 alumnos e alumnas de 3º e 4º da ESO de trece colexios da cidade desprazáronse ás illas Cíes nun viaxe educativo. O programa divulgativo "Planeta Cíes" forma parte do proxecto da candidatura do arquipélago a Patrimonio da Humanidade da UNESCO.
Expertos internacionais debaten esta martes sobre a aplicación de novas tecnoloxías no sector nun Foro enmarcado no proxecto IN 4.0