O alcalde asinou esta mañá coa Asociación Novo Vigo un convenio de colaboración de 5.000 euros para cooperar cos gastos do aluguer do local social de Teixugueiras. Durante a reunión, o rexedor avanzou o próximo inicio das obras de construción do parque das enerxías renovables de Navia.
Abel Caballero participou este mediodía na entrega de medallas de Anfaco Cecopesca en Vigo nun acto no que recoñeceu a traxectoria e a importancia deste organismo na cidade. Felicitou aos organizadores por "acertar" na designación dos homenaxeados deste ano, entre os que destacou, coa medalla de ouro, a ministra de Agricultura, Isabel García Tejerina.
No transcurso dunha reunión coa dirección da Fundación, o alcalde certificou a cesión gratuíta dun local na rúa Palencia por 15 anos, para que leven adiante os seus proxectos artísticos para persoas con discapacidade intelectual. Ademais, a Xunta de Goberno Local aprobou este venres un convenio de 15.000 euros de apoio á súa actividade. "Non hai en toda Galicia unha Fundación destas características e queremos estar ao seu lado", asegurou Abel Caballero.
Tras unha reunión celebrada este martes, e á solicitude dos afectados, Abel Caballero asegurou que mediará ante as entidades financeiras provisionalmente adxudicatarias da fábrica de Bernardo Alfageme para que indemnicen aos extraballadores, que ata o momento so cobraron do Fondo de Garantía Salarial. "Teñen todo o apoio do alcalde", certificou Caballero.
Segundo informou o alcalde, o Concello contactou este venres con Iberia Express para plantearlles facer o voo Vigo-París, despois da cancelación da ruta anunciada por Air France, actual operadora desta conexión. Caballero explicou que a compañía de baixo coste xa estaba a estudar esta posibilidade e avanzou que en dez ou quince días se celebrará a primeira reunión.
Tras unha reunión hoxe martes con representantes dos traballadores, Abel Caballero afirmou que os afectados -máis de 100 en Vigo- teñen un "aliado no alcalde de Vigo para as súas demandas xustas", pois "a crise non pode ser argumento para explotar aos traballadores". O alcalde ve "imprescindible" que as empresas atendan ás reclamacións laborais do persoal.
Tras a reunión do padroado deste luns, o presidente do organismo e alcalde de Vigo informou da súa contratación ao grupo de estudos da Universidade, que terá ata o outono para elaborar un estudo global sobre a situación de cidade en cuestións como a economía ou as infraestruturas, segundo informou Abel Caballero.
Abel Caballero recibiu este luns aos responsables da organización deste evento de carácter estatal, que se celebrará na cidade olívica, e solicitaron a presencia do alcalde de Vigo e o apoio do Concello na súa celebración, garantido polo propio rexedor.
O alcalde acudiu este xoves ás instalacións de Aspanaex durante a súa xornada de portas abertas, onde trasladou o seu "recoñecemento" á entidade pola atención que presta aos usuarios e a forma "excepcional" na que o fan. Caballero recordou a "cooperación continua" do Concello, con programas de respiro familiar, de terapia canina ou desbloqueando a construción do equipamento asistencial que precisa Aspanaex.
Abel Caballero viaxará mañá mércores a Madrid para recoller o "Premio Smart City 2015" concedido ao Concello de Vigo polo traballo realizado nos últimos cinco anos na mellora da eficiencia da administración e na prestación de mellores servizos á cidadanía. O proxecto premiado recolle as actuacións smart da cidade en materia de humanizacións, mobilidade, medioambiente, novas tecnoloxías e innovación, entre outras.