O alcalde asinou esta mañá un convenio de 15.000 euros coa responsable da Rede de Mulleres contra os malos tratos. Esta achega súmase a outros acordos que se asinaron recentemente e que elevan o apoio municipal a este colectivo a preto de 60.000 euros.
O alcalde de Vigo, Abel Caballero, inaugurou este mércores unha nova edición de Mostrarte, a iniciativa que utiliza os espazos da Alcaldía para expor a obra de diferentes artistas. "Interpretadas realidades" é o nome desta nova proposta cultural, que aúna a visión fotográfica de dous creadores vigueses: Andressolo e Rubén Chase.
O alcalde de Vigo trasladou esta mañá o respaldo do goberno local á manifestación convocada polos traballadores sanitarios o próximo 3 de setembro. Logo de manter un encontro coa xunta de persoal da área sanitaria de Vigo, Caballero invitou a todos os alcaldes da área metropolitana a apoiar esta marcha.
O alcalde de Vigo intercambiou esta mañá impresións sobre a situación da cidade e da súa economía durante o encontro que mantivo co vicepresidente de Abanca, Juan Carlos Escotet. Ambos coincidiron ao destacar a "importancia de que Abanca enfatice a súa presencia en Vigo".
A noite de San Xoán transcurriu con "absoluta normalidade" e unha "enorme afluencia" de público, tal e como explicou esta mañá o rexedor en rolda de prensa. Os servizos de limpeza comezaron a traballar hoxe mércores ás 06,00 da mañá e prosegurán todo o resto da xornada.
O alcalde de Vigo participou este martes, no Pazo Os Escudos, na inauguración do I Congreso Internacional Aeronáutico e Espacial de Galicia, onde salientou as posibilidades que ofrece este sector para a industria viguesa e reivindicou o apoio das institucións públicas a un ámbito tan vencellado á Universidade e á I+D+i como este.
No Museo do Mar, o alcalde quixo este luns apoiar coa súa presenza a viaxe organizada polo Cluster do Granito, que trae á cidade a responsables de importantes estudos de arquitectura e edificación británicos para coñecer fórmulas e técnicas de uso deste material, tanto nos edificios como nas humanizacións de rúas.
O alcalde achegouse esta mañá á Porta do Sol onde estará instalado durante unhas semanas o dinoseto. Así o dixo o rexedor quen reiterou que o destino definitivo do dinosaurio vexetal será o parque temático da auga que se vai construir en Navia.
Tras celebrarse este venres o padroado de ProVigo, o alcalde avanzou que a Fundación acordou celebrar este ano unha xornada sobre a presenza dos sectores económicos vigueses nas institucións galegas, españolas e europeas, unha segunda do complexo mar-pesca en Vigo e na súa área, outra sobre os sectores tecnolóxicos e unha última para o estudo de estratexias de relanzamento do naval.
O alcalde trasladou hoxe xoves ao director e aos promotores do equipo Mapfre-Movistar o seu recoñecemento por promocionar no seu barco as Illas Cíes Patrimonio da Humanidade. Resaltou a importancia internacional desta promoción que ao Concello non lle supón coste económico algún.