O alcalde, que presidiu este martes a sesión do padroado da Fundación, explicou que, de cara ao novo ano, Provigo organizará unha "reflexión conxunta e colectiva da cidade" sobre catro sectores "clave" da industria viguesa: a automoción, o naval, o I+D e os servizos. O obxectivo, "a procura da mellora saída posible á crise".
O alcalde de Vigo participou esta mañá na ofrenda floral que realizou a Asociación Sindical de Representantes de Comercio aos compañeiros falecidos. Durante o acto, Caballero transmitíulles o seu recoñecemento porque "lle poñen alma e rostro á economía". Logo de agradecerlles a súa "dedicación e cercanía", participou na entrega dos diplomas e insignias de prata e ouro, en recoñecemento a súa labor profesional.
O Tribunal da Unión Europea declarou legal o sistema de bonificacións empregado polo naval vigués, o chamado tax lease, revocando a anulación decretada pola Comisión Europea. Caballero esixiu a devolución do que costou esta "decisión indebida", "estaleiro por estaleiro", pois conlevou a paralización das empresas do sector durante "anos e anos".
<br /> Abel Caballero constatou esta mañá que o aeroporto de Vigo leva máis de medio con subas ininterrompidas no tráfico de pasaxeiros. Logo de situar este ascenso en preto do 7%, o alcalde avanzou aínda maior recuperación para o ano 2016.
Este luns a Corporación viguesa, encabezada polo alcalde, concentrouse diante da casa consistorial para gardar un minuto de silencio en recordo do subinspector Jorge García Tudela e do axente Isidro Gabino San Martín, os dous policías nacionais falecidos no atentado sufrido pola Embaixada Española na capital de Afganistán, Kabul, o pasado venres pola tarde.
Caballero manterá o próximo luns as primeiras entrevistas da rolda de contactos con sectores e colectivos sociais da cidade, reunións nas que o alcalde explicará o proceder municipal para minimizar o impacto da sentencia do Tribunal Supremo contra unha resolución da Xunta que provocou a anulación do Plan Xeral vigués.
Abel Caballero avanzou esta mañá a vontade do Concello de aceptar a proposta da Sareb de cooperar na cesión de vivendas e locais comerciais que ten esta Sociedade en Vigo. Así o explicou esta mañá, logo de reunirse co director xeral de Responsabilidade Social Corporativa da Sareb.
O alcalde valorou este venres, no acto organizado polo primeiro aniversario do seu pasamento -que se cumpre este sábado, 28 de novembro-, que "é tempo de volver renderlle tributo a unha muller que fixo da súa vida a defensa da cidade". Caballero salientou a "débeda eterna" de Vigo con Vanessa Lage e trasladoulles a todos os axentes de Policía o "inmenso respecto" da cidadanía "polo que sodes e representades". O Concello pasa a denominar como "Vanessa Lage Carreira" a ata hoxe travesía de José Antela Conde.
A decana do Colexio de Avogados, Lourdes Carballo Fidalgo, será a pregoeira do acto co que o Concello conmemorará o próximo venres 4 de decembro o Día da Constitución. O alcalde invitou a todo Vigo a participar desta celebración, que este ano será ás 18,00 horas na Casa Galega da Cultura.
O presidente da FEMP, ante a entrada en vigor da LRSAL en xaneiro, asegura que "queremos garantías legais non unha nota de prensa". En base ás consultas realizadas, sinalou, "vai haber un número elevadísimo de reparos dos interventores á política social" na medida que se aplican fondos a unha competencia que non teñen os concellos.