Xunto aos responsables das quince maiores cidades de España, o alcalde e presidente da FEMP mantén unha reunión na tarde deste mércores co titular da carteira de Transportes. Se tratará do proceso de desescalada no transporte e Caballero trasladará o “custo multimillonario” que terá a práctica paralización do servizo.
O Concello abrirá as instalacións deportivas tan pronto como o permitan as autoridades sanitarias e sempre que se cumpran todas as garantías sanitarias. Así llo explicou o alcalde a 60 representantes de clubs deportivos cos que mantivo onte unha reunión telemática na que tamén lles garantiu todas as axudas económicas comprometidas e que superan 1,6 millóns de euros.
Protección Civil, Policía Local e Policía Nacional proseguiron hoxe co reparto de 30.000 máscaras na cidade, distribuídas hoxe e onte entre traballadores que utilizan o transporte público. Este material de protección procede do Goberno Central, que vén de entregar 120.000 unidades en Pontevedra.
Abel Caballero informou este martes de que o Concello de Vigo iniciará mañá o reparto de froita cos menús que elaboran os comedores sociais. A campaña “Vigo, saudable” é posible grazas a doazón por parte da empresa Chef Maestro e a colaboración do colectivo de restaurantes Vigo Gastronómico.
Logo dun encontro este martes cos alcaldes e alcaldesas das 15 urbes máis poboadas, Abel Caballero reiterou que superávits e remanentes os usarán as Entidades Locais e “non irán a ningún outro sitio”. A reunión reforzou o documento de 19 Medidas Económicas Extraordinarias que xa foi entregado ao Goberno.
O presidente de FEMP manterá mañá un encontro telemático cos rexedores das quince cidades españolas con máis poboación. Trátase, explicou, de poñer en común a situación destas urbes, cada unha cos os seus factores diferenciais, para intercambiar información.
Abel Caballero informou este luns de que o Concello de Vigo atende a 179 familias con menores vulnerables e a través do Programa de Infancia e Familia realizou máis de 900 intervencións no mes de abril.
Abel Caballero mantivo este xoves unha xuntanza co sector cultural da cidade para planificar a recuperación económica e estudar as posibilidades para organizar unhas festas “diferentes” durante o vindeiro verán.
Logo de manter onte a primeira reunión co consello asesor para a desescalada, Caballero avanzou a súa preferencia de que o criterio territorial para avanzar na volta á normalidade sexa a provincia. Na súa opinión a proximidade xeográfica e sociolóxica entre Vigo e Pontevedra converten esta división na mellor das opcións.
O Pleno do Concello de Vigo aprobou este mércores na súa sesión ordinaria de abril unha resolución da Alcaldía na que se propón manter as axudas sociais e fomentar o emprego e todas as actividades económicas da cidade. Todos os grupos municipais e concelleiros votaron a favor.