Dez cámaras de alta definición retransmiten desde este martes o tráfico nas rúas de Vigo en directo a través da aplicación municipal “Vigo”. O alcalde visitou a sala de pantallas do departamento de Tráfico para mostrar o funcionamento do novo sistema.
Abel Caballero pedirá unha xuntanza con Reyes Maroto, ministra de Industria, Comercio e Turismo, para falar das achegas destinadas á hostalería por parte da Xunta de Galicia.
A Xunta de Goberno Local do Concello de Vigo aprobou a Memoria de Transparencia e Bo Goberno 2020 tras recibir o pasado ano o Premio á Práctica Municipal outorgado polo Centro de Estudios Municipales y de Cooperación Internacional. “O noso modelo de administración xa é un exemplo para todos os municipios de España”, sinalou o alcalde.
O alcalde mantivo esta mañá un encontro protocolario co novo delegado de Defensa en Pontevedra, Miguel Constantino Cortés Calvo. Durante o encontro, Abel Caballero felicitouno polo seu nomeamento e a súa brillante traxectoria profesional.
Abel Caballero, acompañado dos catro tenentes de alcalde: Carmela Silva, Javier Pardo, Elena Espinosa e María Xosé Caride, presentou este xoves “unha das actuacións máis extraordinarias da cidade” que permitirá continuar o proceso das ramplas mecánicas para poder subir a Gran Vía desde Urzáiz ata a Praza de España.
O rexedor detallou que, nesta xornada, o goberno municipal iluminará de verde as fontes da rúa Aragón e a marquesiña da Praza de América, amais de proxectar o cartel conmemorativo deste 4 de febreiro na fonte da pantalla de Rosalía de Castro baixo o lema "Son eu e vou a". Son as accións coas que a cidade se suma á conmemoración desta data.
A FEMP e o Ministerio de Transportes, Mobilidade e Axenda Urbana veñen de acordar a constitución dun consello consultivo, con vocación permanente, sobre mobilidade e transporte no ámbito do Plan de Recuperación e os fondos europeos.
O Concello de Vigo é un modelo de integridade e transparencia na contratación pública segundo un Código de Boas Prácticas elaborado por un grupo de expertos independentes como foro dentro da FEMP para intercambiar experiencias e casos de éxito que sirvan de exemplo ás entidades locais de toda España. O Plan de Integridade na contratación pública do Concello de Vigo xa recibiu o ano pasado o X Premio CNIS.
O alcalde de Vigo acudiu este martes á capela ardente instalada no Concello de Cangas polo seu alcalde, Xosé Manuel Pazos, falecido nas últimas horas. “Temos unha sensación de moita pena porque era un grande alcalde e unha grande persoa”, sinalou Caballero en rolda de prensa.
O alcalde considera “imprescindible” a indemnización ao sector hostaleiro da cidade e concorda coa idoneidade de aplicar os criterios que contempla tanto o modelo Valencia como o proposto polas deputacións galegas: a achega do 1% do orzamento de cada administración.