O alcalde de Vigo mantivo este xoves unha reunión cos representantes das escolas de danza na cidade para analizar o impacto da crise sanitaria e estudar medidas de cara á reactivación.
O goberno local insta á Xunta a continuar coa tramitación da Avaliación Estratéxica Ambiental unha vez que o Concello enviou á Xunta as aclaracións que lle solicitou sobre o PXOM. O Concello xa enviou o informe coas puntualizacións requiridas, ademais do texto refundido do borrador e o documento inicial estratéxico.
A Xunta de Goberno Local do Concello de Vigo aprobou este xoves o expediente de contratación para o mantemento do leito do río Lagares. Vigo asumirá así limpeza de toda a conca do Lagares para manter o curso do río en bo estado. A licitación dos traballos, que se levarán a cabo en verán, saen cun investimento de 112.000 euros.
Comenzaron hoxe os 10 días de loito oficial decretado polo Concello en solidariedade coas persoas que perderon a vida durante esta crise sanitaria. Na sesión plenaria desta mañá, ás 12,00 h, os corporativos gardaron un minuto de silencio en memoria das vítimas da pandemia.
O alcalde de Vigo anunciou que a concelleira de Benestar Social remitirá este martes unha carta á conselleira de Política Social da Xunta de Galicia para reclamar que de “forma inmediata transfiran 1,7 millóns que nos deben” en concepto de axudas sociais.
O Concello manterá aloxadas en hoteis ás 22 persoas das 84 familias afectadas polo incendio que se produciu na noite deste sábado no garaxe dun inmoble da rúa Sanjurjo Badía. O arquitecto municipal realizará un novo informe antes do regreso dos inquilinos ás súas vivendas.
Abel Caballero solicitou este luns aos bañistas que acoden ás praias de Vigo coa entrada en vigor da Fase 2 que respecten o distanciamento social para protexer a saúde. Ademais, o alcalde avanzou que as piscinas de Samil estarán pechadas este verán e tanto as cintas para marcar separacións como o socorrismo comezarán o 15 de xuño.
O alcalde de Vigo mantivo este luns unha reunión cos representantes do sector pesqueiro na cidade para analizar o impacto da crise sanitaria e estudar medidas de cara á reactivación.
O rexedor sumouse esta mañá ás opinións dos presidentes das comisións de festas de Bouzas, Coia ou San Roque que lle trasladaron esta mañá nunha reunión virtual a dificultade de organizar estes eventos nestas circunstancias. Con todo, o rexedor comprometeu apoio municipal no caso de que poidan manter unha parte das celebracións relixiosas, tal e como prevén nun principio, pendentes da evolución da situación sanitaria.
Desde o comezo do estado de alarma, o goberno local deu de alta 800 novas tarxetas de alimentación que se suman ás que xa viña outorgando o Concello. Ademais e seguindo cos servizos sociais, o alcalde tamén avanzou que, se Galicia pasa á fase 2 da desescalada, o luns 25 de maio reabrirán as súas portas os centros municipais de servizos sociais de Coia, Rivera Atienza, Teis e Praza do Rei, que atenderá tamén aos usuarios do Casco Vello.