Segundo explicou Abel Caballero este venres, o goberno de Vigo validou a clasificación de ofertas -antiga adxudicación provisional- para cubrir o patio do colexio Canicouva, construír unha nova sala de lectura-biblioteca en Navia e humanizar a Travesía Escolas Públicas e a rúa Mantelas.
Este venres queda instalada a estrutura de aceiro de 25 metros que acollerá no seu interior o ascensor panorámico que unirá Torrecedeira con Pi y Margall, xunto ao parque Camilo José Cela, que tamén será completamente renovado. O alcalde, quen visitou os traballos de montaxe, subliñou o investimento próximo aos 3 millóns.
Un informe en profundidade de Galaicontrol do ano 2013 e unha inspección de Zubia Ingenieros deste pasado 28 de novembro revelan que "non se aprecian síntomas de esgotamento da estrutura" de Marcador, no estadio de Balaídos, segundo revelou este luns Caballero.
O alcalde de Vigo, Abel Caballero, fixo balance este luns das obras que están en marcha na actualidade ou que serán proxectadas dentro do presente mandato. "Nunca na historia da cidade houbo nada parecido", dixo o rexedor tras a súa visita á humanización da Avenida Atlántida.
O alcalde deu conta esta mañá dun investimento de 5,8 millóns en obras en marcha ou a punto de comezar. En concreto, referiuse á última fase da humanización de Camelias, á remodelación de Marqués de Valterra -xa rematada- e ao parque de Camilo José Cela, estas dúas últimas actuacións, con ascensor incluído.
O alcalde informou este venres da aprobación das obras de humanización de García Barbón -508.000 euros- e da rúa Pazos así como da contratación dun vehículo para tarefas de mantemento das vías públicas por 871.000 euros.
O Concello está a investir 8,3 millóns de euros nun proxecto de obras de humanización no rural que prevé actuar en todas as parroquias a partir do mes de xaneiro. Ademais, o goberno local tamén está a desenvolver un plan de renovación de elementos de iluminación viaria por importe de 650.000 euros.
Abel Caballero asistiu na sede da Comisión Europea en Bruxelas á entrega dos Access City Award que recoñecen o labor de varias cidades a prol da accesibilidade e mobilidade cidadá. Vigo é a única cidade española premiada, entre 52 de toda Europa.
O alcalde anunciou as adxudicacións da humanización do último tramo de Camelias -cun orzamento de 2.165.000 euros- e das cintas mecánicas da Gran Vía -con 5.189.000 euros-, ademais da aprobación o proxecto de mellora da Ronda de don Bosco, por 1.852.000 euros. O Concello ten 18 actuacións en marcha por importe de 27,3 millóns.
Abel Caballero achegouse esta mañá ao acto de inicio de demolición do antigo hotel Samil, construído na década dos setenta. Este derrubamento permitirá iniciar a construción dun novo establecemento hostaleiro "moderno e ecoloxicamente moi ben adaptado ao terreo, nunha das mellores zonas de Vigo". Está previsto que as obras rematen en 22 meses.