Abel Caballero reiterou a vontade do Goberno local de completar as ramplas de Gran Vía desde Urzáiz ata a Praza de España para o que é preciso unha autorización da Xunta. Dado o éxito desta instalación e que non existe ningún argumento que xustifique a negativa autonómica, o goberno de Feijóo terá que reconsiderar a súa oposición a este proxecto de mobilidade.
Abel Caballero referiuse este luns ao “bo comportamento” da cidade durante a primeira fin de semana de acendido da iluminación de Nadal e explicou que xa están traballando os 25 controladores Covid contratados polo Concello para supervisar o respecto da normativa de seguridade Covid.
Concello e Deputación financian estas obras en rúas do rural vigués. Ademais, a Xunta de Goberno Local aprobou o proxecto de humanización da rúa Troncoso, cun orzamento de 362.500 euros, e abriu o concurso público para humanizar Vista Alegre e Julia Minguillón, as dúas primeiras obras licitadas en España con cargo aos remanentes, segundo afirmou este venres o alcalde.
Abel Caballero explicou este martes que o Concello enviou hai un mes e medio o proxecto básico para que Patrimonio Histórico dea o visto bo á rexeneración do espazo. Ante a falta desta autorización, a obra está parada.
Os traballos comezan este mesmo xoves e se prolongarán entre dúas e tres semanas, segundo informou o alcalde. Nunha das inspeccións periódicas da arte ao aire libre da cidade detectouse “patoloxías menores” causadas polo paso do tempo e o clima, que serán solucionadas co reforzo da estrutura de “Os cabalos” de Oliveira.
O goberno local aprobou un incremento de 58.000 euros no programa Xantar na casa para aumentar a 200 os beneficiarios que ata o de agora eran 120. Trátase dunha iniciativa complementaria ao Servizo de axuda no fogar dirixida a colectivos de persoas maiores ou dependentes.
Abel Caballero informou este venres da adxudicación das obras de renovación do céspede artificial e das instalacións de iluminación e da caldeira de biomasa. Ademais, o goberno que preside tamén resolveu o concurso público para instalar, por 211.000 euros, novo verde sintético no campo de Fragoselo.
O Concello aprobou este xoves os pregos de condicións e abre o concurso público, reservando 400.000 euros para cubrir o patio do CEIP Balaídos e outros 185.000 euros para o do Pintor Laxeiro. Abel Caballero informou ademais da contratación de obras en cinco rúas do rural vigués por preto dun millón de euros.
A segunda fase da senda ferroviaria entre Teis e Chapela presenta un orzamento de 3 millóns de euros, que se engadirán ao medio millón abonado polo tramo xa aberto. Ademais, a cuberta e iluminación ornamental do tranvía da Avenida de Castelao custará 120.000 euros, segundo informou este venres o alcalde.
A Xunta de Goberno Local resolveu o xoves o procedemento de contratación das obras de demolición e construción de Marcador e a reconfiguración das butacas de Río Baixo para gañar espazo entre filas. O Concello presidido por Abel Caballero aprobou ademais a oferta de emprego público para oito vacantes de enxeñeiros e técnicos de administración xeral.