O alcalde informou este xoves do concurso público que lanzou o Concello para acondicionamento e mellora do firme nos máis de mil quilómetros de infraestruturas viarias de titularidade municipal. Os traballos inclúen ademais o mantemento das esculturas, estatuas e elementos ornamentais.
Caballero deu conta esta mañá da sentenza “categórica e contundente” do TSXG que desestima a pretensión da Xunta de paralizar a ramplas da Gran Vía. En rolda de prensa, insistiu en que a negativa a autorizar este proxecto foi “premeditada e planificada” por Feijóo ao que esixiu “pedir perdón á cidade”.
O orzamento municipal ascende a 1,6 millóns para acometer unha nova fase da remodelación da Avenida, a cuarta, desde a rúa Águia ata a rúa Merlo. O alcalde destacou que a obra -que se prolongará durante dez meses- renovará as canalizacións de servizos, deixará beirarrúas de seis metros de ancho e ampliará o o arborado e as xardineiras.
Abel Caballero, acompañado dos catro tenentes de alcalde: Carmela Silva, Javier Pardo, Elena Espinosa e María Xosé Caride, presentou este xoves “unha das actuacións máis extraordinarias da cidade” que permitirá continuar o proceso das ramplas mecánicas para poder subir a Gran Vía desde Urzáiz ata a Praza de España.
O alcalde avanzou este xoves que a Xunta de Goberno Local do Concello de Vigo aprobou o contrato de coordinación de seguridade e saúde para as obras de reforma da grada de Marcados. A reforma comezará en marzo e o prazo de execución da obra é de 18 meses.
Por primeira vez en décadas sen o paso elevado á AP9, Alfonso XIII está aberta ao tráfico desde este xoves e ata finais de mes. Será entón cando volva pecharse á circulación para continuar ás obras, entre estas, a demolición da actual estación provisional de tren. Así, desde comezos do próximo mes, o acceso rodado e peonil terá lugar pola praza superior do edificio.
O alcalde deu conta esta mañá da recepción de sete propostas para participar no concurso de ideas do proxecto coñecido como o ascensor de García Barbón, unha iniciativa valorada en 7,2 millóns que vén solucionar “ancestrais problemas orográficos da cidade”. Os membros do xurado reunirase o luns por primeira vez para estudar a documentación e proceder á admisión ou exclusión das ofertas. A continuación, celebrarse un acto público online para a apertura da documentación.
A Xunta de Goberno Local aprobou este xoves a contratación da segunda fase da implantación da senda peonil e ciclista entre Urzáiz e Teis, pola antiga vía do tren. Segundo informou Abel Caballero, contando co abonado pola parte xa aberta, o Concello adicará 3,4 millóns á transformación de 3,6 quilómetros de trazado.
Con 1,9 millóns de investimento, o Concello comezou este martes os traballos de remodelación da praza e da Baixada á Estación, que se prolongarán durante seis meses. A actuación inclúe a reconstrución do frontal de pedra da antiga terminal ferroviaria, inaugurada a finais do século XIX.
Abel Caballero informou este xoves de que a Xunta de Goberno Local vén de aprobar o proxecto de instalación dun elevador ata a unión de Urzáiz con Vía Norte, cun orzamento de 424.000 euros e cinco meses de obras.