martes, 4 mar 2014
O Concello de Vigo ven de asinar un convenio para promover un concurso de ideas entre a Escola de Arquitectura de Galicia e a cidade china de Harbín para buscar solucións ao edificio da Artística. Así o explicou hoxe o segundo tenente de alcalde, Carlos López Font, durante a inaguración da exposición que exhibirá as mellores propostas de rehabilitación da Panificadora, froito do certame internacional de arquitectura SC2013 Spain-China, que tamén contou co aval municipal.
venres, 28 feb 2014
O Concello inicia este venres os traballos de derrubo do edificio, que estarán concluidos en tres meses, e prevé habilitar no mesmo espazo unha zona verde, segundo indicou Abel Caballero, co que eliminará un obstáculo visual importante.
venres, 28 feb 2014
O alcalde anunciou hoxe venres o inicio do procedemento para adxudicar por concurso dous pisos municipais en Teixugueiras a familias con discapacidade e renda inferior a 1,5 veces o IPREM. En 15 días estarán listas as bases para abrir, sete días despois, o prazo de inscripción. O Concello alugará sen coste as vivendas por 24 meses.
mércores, 26 feb 2014
Abel Caballero deu conta hoxe mércores do informe asinado pola concelleira de Urbanismo, Carmela Silva, dando vía libre ao proxecto de acondicionar o espazo dos silos diseñado pola Autoridade Portuaria. O rexedor remarcou a trascendencia do cable na historia da cidade, lembrando que que a mediados do século XIX, mentres o resto de España se rexía pola hora solar, "en Vigo xa funcionábamos ao minuto".
venres, 21 feb 2014
A Xerencia de Urbanismo deu conta da licencia concedida ao Consorcio do Casco Vello de Vigo para proceder ao derrubo parcial dunha edificación en Subida ao Castelo. O alcalde informou desta autorización, contemplando ademais a reestructuración do edificio para volver ao seu estado orixinal.
venres, 14 feb 2014
A Xerencia municipal de Urbanismo adxudicou o contrato de realoxo temporal urxente nunha vivenda municipal na rúa Anduriña, contrato que foi asinado este mesmo venres pola tenente de alcalde, Carmela Silva. O alcalde recordou que o borrador de orzamentos do Concello inclúe 600.000 euros para axudas ao alquiler de persoas con poucos recursos.
venres, 7 feb 2014
A Xerencia de Urbanismo aprobou hoxe venres o realoxo temporal e urxente dunha familia desafiuzada dunha vivenda da rúa Pizarro que en dez días poderá ocupar nun inmoble municipal situado na rúa Anduriña. O alcalde amosou a "vocación" do goberno local de actuar cada vez que se produza unha situación similar nesta cidade.
