Urbanismo
O Concello aproba unha urbanización en Sárdoma con 370 vivendas, a metade de protección
venres, 27 xuñ 2014Abel Caballero informou este venres da aprobación inicial do Plan Parcial de Gorgoso, entre Sárdoma e Castrelos, un ámbito con máis de 100.000 metros cadrados de superficie cunha rede de carrís bici e un paseo fluvial. O 51% das 370 vivendas contempladas serán a prezo taxado, salientou o alcalde.
O Concello regulariza e inscribe como propiedade municipal os espazos do entorno das Torres Ifer
venres, 6 xuñ 2014A Xerencia de Urbanismo tomou coñecemento da resolución sobre a regularización da propiedade dos espazos situados no contorno das Torres Ifer. Deste xeito, o Concello regulariza unha situación que ven do ano 1994 e, por fin, estes terreos xa están inscritos no Rexistro como propiedade municipal.
O Concello valida a protección histórica, natural e arquitectónica das vivendas da faldra do Castro
venres, 23 mai 2014Urbanismo deu luz verde este venres á aprobación inicial do Plan Especial da Colonia Histórica do Couto, que engloba ás vivendas da aba do monte do Castro, trámite co que o goberno de Vigo quere preservar este entorno paisaxístico, ambiental e urbano, e conseguir a rehabilitación dos elementos máis característicos da arquitectura e das formas de edificación tradicionais.