O concelleiro de Urbanismo en funcións, Xavier Toba, presentou o Plan especial de reforma interior do Casco Vello que pretende protexer e servir de instrumento para a súa revitalización a través de actuacións de rehabilitación.
O equipo redactor do Plan xeral de ordenación municipal entregou o documento revisado do que se farán catro copias en formato dixital para a toma de coñecemento dos grupos municipais que conformarán a nova Corporación de cara a guiar o novo modelo urbanístico da cidade.
O Concello de Vigo xa dispón dunha cartografía dixital de todo o termo municipal que permitirá mellorar a xestión dos padróns e facilitará os traballos de planeamento urbanístico. A cartografía elaborouse a través dun convenio co Centro de Xestión Catastral do Ministerio de Facenda.
O Consello da Xerencia de Urbanismo concedeu a licencia a un grupo de cooperativistas para a construcción de vivendas de protección oficial no polígono de Navia. Os beneficiarios son Vecinos de Vigo Sociedad Cooperativa de Viviendas e Porta do Atlántico Sociedade Cooperativa Galega de Vivendas.
O proceso de actuacións destinado a revitalizar o Barrio Histórico, mediante a mellora da paisaxe urbana e a renovación de servicos básicos e de fomento do tecido económico e social, realizouse nos últimos anos cun importante esforzo económico do Concello de Vigo e cunha subvención europea. Os interesados poden consultar a memoria do Urban na web municipal.
A reunión do Consello celebrarase no edificio da Xerencia a partir das dez da mañá co seguinte orde do día:
O Consello da Xerencia de Urbanismo aprobou o proxecto de expropiación de terreos para a ampliación da rúa Manuel Álvarez, un vial que une Ramón Nieto coa estrada vella de Madrid. En total vanse expropiar 5.488 m2 que corresponden a 79 propiedades diferentes. O proxecto de urbanización de Manuel Álvarez, que prevé a ampliación do vial a 14 metros de ancho, será sometido a aprobación a vindeira semana.
O Consello da Xerencia de Urbanismo aprobou a reforma do Plan Especial do Porto de Vigo co obxectivo de facilitar o remate dos proxectos incluidos no plan "Abrir Vigo ao Mar". Esta modificación conta coa anuencia da Autoridade Portuaria e do Consorcio da Zona Franca. Unha vez aprobada polo Pleno da corporación e publicada no DOG, o Consorcio da Zona Franca poderá tramitar o proxecto de construcción do novo centro comercial da Laxe.
O Consello da Xerencia de Urbanismo principiou o proceso de modificación do Plan Parcial do Parque Tecnolóxico e Loxístico de Vigo para facer posible a instalación de Texvigo, o complexo que acollerá diversas industrias téxtiles e unha área de I+D.
O Consello da Xerencia de Urbanismo convocou unha sesión extraordinaria e urxente para tratar a aprobación inicial dunha modificación puntual do plan parcial do Parque tecnolóxico e loxístico de Vigo. A reunión será o venres 30 de maio ás 10:00 horas.