Así o confirmou este venres Abel Caballero, toda vez que os informes técnicos municipais son favorables ao cambio proposto por Air Nostrum. En virtude do concurso, a aeroliña ía conectar Vigo e Bruxelas mais solicitou este cambio ante a imposibilidade de garantir a plena actividade do aeroporto belga tras os atentados do pasado 22 de marzo.
A aeroliña vén de propoñerlle ao Concello o cambio de destino a París, durante este ano 2016, mantendo as frecuencias e as prazas previstas no contrato, ante a imposibilidade de garantir a plena actividade do aeroporto de Bruxelas no verán tras os atentados do pasado 22 de marzo. A proposta será valorada con informes técnicos municipais e levada á Xunta de Goberno que ten a "última palabra".
O inicio das conexións de Vigo con Boloña e Dublín, que estreou Ryanair esta fin de semana cunha media de ocupación do 90%, significan para o rexedor a confirmación de que se na cidade "hai voos, a cidadanía vai collelos" e afirma que o número de conexións internacionais e nacionais do aeroporto sitúano entre os de maior rango de destinos.
Os voos con destino a Gran Canaria, Roma e Londres que comeza a operar Air Nostrum durante este período vacacional rexistran unha ocupación de entre o 70 e o 90% e as conexións de Ryanair con Boloña e Dublín, que se inician en abril, superan o 90%. Para Caballero esta é unha semana "importante" e confirma que Peinador "medra máis ca ningún aeroporto".
Na inauguración do II Encontro Cluster de Turismo de Galicia que se celebra no Auditorio do Mar de Vigo, Abel Caballero alentou aos participantes a atopar fórmulas turísticas que permitan "crear relacións entre países e persoas" e que sirvan para o longo prazo.
O alcalde de Vigo e a presidenta da Deputación de Pontevedra presentaron este martes a cita que acollerá o Mar de Vigo o próximo 17 de marzo, coa temática "Obxectivo 5 millóns: retos e oportunidades da comercialización e tecnoloxía do destino Galicia". Abel Caballero avogou por facer do turismo "a panca de acción económica que en Vigo nos corresponde".
Vigo contará con tres conexións a Madrid máis á semana operadas por Iberia, tal e como lle confirmou esta mañá ao rexedor o director de Vendas, Víctor Moneo. A compañía establecerá prezos especiais para empresas e pemes, ademais de ofertas especiais en determinados voos.
O alcalde explicou que esta promoción de Vigo e dos seus eventos é unha das formas de colaboración entre o Concello e a compañía aérea e que servirá para que "centos de miles de persoas" coñezan a festa e a cidade durante un mes na revista, que leva á portada unha imaxe da recreación da expulsión dos franceses.
O alcalde propúxollo este xoves ao director para España e Portugal de Ryanair, despois de afirmar ambos que as tres rutas que opera este ano a aeroliña desde Vigo van "francamente ben". A ocupación media a Barcelona acadou o 90% no mes de xaneiro, a venda de billetes a Dublín vai sobre o previsto e, para Boloña, a expectativa é "excepcional", apuntou Caballero.
O Concello organiza un evento coas Illas Cíes como protagonistas que contará coa presenza de 11 "instagramers", que suman case un millón e medio de seguidores nas redes sociais, nas que compartirán a súa experiencia visitando o arquipélago e degustando a gastronomía viguesa. Con esta acción, o goberno local continúa o proceso para acadar o recoñecemento das Cíes como Patrimonio da Humanidade.