1.500.000 persoas "visitan" as Illas Cíes esta fin de semana a través de Instagram

venres, 22 xan 2016

O Concello organiza un evento coas Illas Cíes como protagonistas que contará coa presenza de 11 "instagramers", que suman case un millón e medio de seguidores nas redes sociais, nas que compartirán a súa experiencia visitando o arquipélago e degustando a gastronomía viguesa. Con esta acción, o goberno local continúa o proceso para acadar o recoñecemento das Cíes como Patrimonio da Humanidade.

O alcalde nomea a Belén Vallina como nova xerente da Fundación Vigo Convention Bureau

mércores, 11 nov 2015

O Padroado da entidade reunido este mércores aceptou por unanimidade a proposta do rexedor para que Belén Vallina asuma a dirección da Vigo Convention Bureau. Ademais a Fundación será a responsable de desenvolver durante o próximo ano a campaña para que as Illas Cíes sexan declaradas Patrimonio Medioambiental da Humanidade, en cooperación coas concellerías de Cultura e Turismo. O rexedor destacou o "currículo espectacular" da nova xerente con formación en ciencia e tecnoloxía, estudos internacionais e ampla experiencia profesional.

O alcalde destaca a boa marcha do aeroporto que sobe un 11% o número de pasaxeiros en setembro

xoves, 15 out 2015

Abel Caballero informou este xoves da aprobación, por parte da Xunta de Goberno Local, da adxudicación a Ryanair do contrato de promoción turística de Vigo polo que a compañía operará voos con Barcelona, Dublín, Boloña, Edimburgo e Milán a partir do próximo ano 2016. Ademais, o rexedor salientou o comportamento positivo de Peinador que experimentou un incremento de pasaxeiros do 11% no mes de setembro e que rexistra un nivel medio de ocupación dos voos do 70%.

Ryanair propón unir Vigo con Dublín, Boloña, Edimburgo e Milán no concurso de promoción turística do Concello

mércores, 9 set 2015

Este mércores abriuse a oferta que a aeroliña irlandesa -a única que optou- presentou ao concurso de promoción turística do Concello de Vigo, e que uniría a cidade con Dublín e Boloña desde abril a outubro de 2016 e sumaría Edimburgo e Milán-Bérgamo desde 2017 e para 2018. Segundo revelou Abel Caballero, Ryanair, que incorporaría tamén unha conexión diaria con Barcelona, rebaixou en case medio millón de euros o prezo de saúda do concurso.

Vigo inaugura voo a Malága en virtude do acordo entre o Concello e Air Nostrum

mércores, 8 xul 2015

O alcalde, Abel Caballero, e o presidente da aeroliña, Carlos Bertomeu, asistiron hoxe mércores ao acto organizado polo voo inaugural entre Vigo e Málaga, cun avión bautizado como "Mar de Vigo". Tras concurso público impulsado polo goberno de Vigo, Air Nostrum opera as conexións con Málaga, Sevilla (iniciada o pasado luns), Gran Canaria e Londres. Ambos mandatarios salientaron os bos niveis de ocupación que están a rexistrar as rutas de Vigo.