Segundo explicou o primeiro edil, a Xunta de Goberno Local celebrada este venres deu luz verde á aprobación do Plan de Seguridade e Saúde das obras de reforma deste centro, e adiantou que os traballos darán comezo a vindeira semana. Esta iniciativa municipal proporcionará "melloras certamente excepcionais" ao Mercado e aos seus usuarios, apuntou Caballero.
Os organizadores do XX Congreso Nacional de Auditoria presentaron este luns ao alcalde en funcións, Abel Caballero, o evento, que celebrarase do 23 ao 25 de novembro no Auditorio Pazo de Congresos "Mar de Vigo". A organización, afincada en Vigo, prevé a asistencia dunhas 700 persoas procedentes tanto de España como de Portugal. A congresual é "unha parte relevante da orientación turística que temos que darlle á cidade", afirmou Caballero.
O tenente de alcalde e concelleiro de Turismo, Santi Domínguez, visitou este venres o XII Congreso Internacional de Medicina Xeral e de Familia que dende o día 18 e ata mañá se celebra no Ifevi. O nacionalista expresou a súa satisfacción por como se está desenvolvendo o congreso, o cal ao seu xuízo demostra que Vigo "pode acoller calquera evento destas características", no que se dan cita máis de 3.600 médicos de familia para analizar o presente e futuro da atención primaria e se contabilizan máis de 10.000 pernoctacións.
O tenente de alcalde e concelleiro de Turismo, Santi Domínguez, presentou este luns o XII Congreso Internacional de Medicina Xeral e de Familia e a XVIII edición do Congreso Nacional de Medicina Xeral e de Familia, que se celebrarán do 18 ao 21 de maio no Ifevi. O nacionalista fixo fincapé na forte repercusión que terá este evento no sector turístico e hostaleiro da cidade, xa que máis de 3.600 médicos de familia analizarán en Vigo o presente e futuro da atención primaria, aos que é preciso sumar os acompañantes, expositores e xornalistas especializados que tamén se achegarán á nosa cidade, que en total realizarán 10.000 pernoctacións e Vigo e arredores.
O tenente de alcalde e concelleiro de Turismo, Santi Domínguez, presentou este xoves a XXI Reunión Anual da Asociación Galega de Psiquiatría, que reunirá a máis de 200 profesionais os días 24 e 25 de xuño no Pazo de Congresos. O nacionalista afirmou que estas xornadas forman parte dos 14 congresos que xa pechou o Vigo Convention Bureau, que traerán á cidade máis de 12.000 congresistas e un volume de negocio superior aos 9 millóns de euros.
O tenente de alcalde e concelleiro de Turismo, Santi Domínguez, presentou este martes o estudo de mercado sobre turismo de eventos 2011 realizado polo Grupo Eventoplus, segundo o cal a previsión é que amente a organización de eventos pese a que disminúe o orzamento. O nacionalista destacou a importancia de coñecer o resultado do estudo "como un paso máis na aposta por potenciar o sector turístico", especialmente coa creación hai ano e medio do Vigo Convention Bureau.
O tenente de alcalde, Santi Domínguez, visitou hoxe o mercado de O Progreso para asistir ao inicio das obras de remodelación, que contan cun investimento de 4,5 millóns de euros financiados case integramente polo Concello de Vigo. O nacionalista asegurou que esta reforma, ao igual que a que se levará a cabo proximamente no mercado do Berbés, amosa a aposta da Tenencia de Alcaldía e a Concellería de Comercio polo pequeno e mediano comercio da cidade. "É de obrigado cumprimento que os cartos públicos se destinen a crear riqueza na cidade", afirmou.
O tenente de alcalde e concelleiro de Turismo, Santi Domínguez, deu conta dos asuntos tratados na xuntanza celebrada hoxe do padroado da Fundación Vigo Convention Bureau, na que se lle trasladou aos seus integrantes o balance das actividades que esta entidade realizou ao longo de 2010 e as previsións para 2011. Salientou a satisfacción manifestada polo padroado polo traballo feito no primeiro ano de andaina do Convention Bureau, xa que conta con 83 novas empresas colaboradores e 10 congresos a celebrar ao longo de 2011.
O tenente de alcalde e concelleiro de Turismo, Santi Domínguez, presentou este martes a nova "unidade móbil turística de Vigo", que dende a súa primeira parada en Pontevedra percorrerá ata maio un total de 27 cidades baixo o lema "Velo para querelo". O nacionalista destacou que é unha nova acción do Plan de Competitividade Turística de Vigo, que xa ten posto en marcha outras importantes iniciativas como a estrea do documental "Novo Vigo Vello", e complementa outas accións como a creación do Vigo Convention Bureau, que está captando novos congresos para a cidade.
Seguir apoiando ao pequeno e mediano comercio, con novas iniciativas para a súa modernización e campañas de promoción. Esa é a liña de traballo que a Tenencia de Alcaldía e a Concellería de Comercio continuarán desenvolvendo, segundo trasladou hoxe o tenente de alcalde aos comerciantes no percorrido que fixo por diferentes establecementos da zona comercial centro. O nacionalista avanzou que se está estudando recuperar a campaña de estacionamento gratuíto para as persoas que merquen no comercio de proximidade e tamén que se desenvolverá unha campaña de promoción de Vigo en Portugal, que vai favorecer a chegada de visitantes que aproveitan as súas saídas para facer compras.