xoves, 3 feb 2011
O tenente de alcalde e concelleiro de Comercio, Santi Domínguez, visitou este xoves a zona comercial centro, dentro da rolda de visitas que está a realizar ás diferentes zonas comerciais da cidade. No percorrido que hoxe realizou por diversos establecementos, o nacionalista defendeu a necesidade de seguir apoiando ao pequeno e mediano comercio nunha época de crise como a actual, polo que asegurou que "imos seguir traballando e presentando novas iniciativas" este ano.
martes, 1 feb 2011
O tenente de alcalde e concelleiro de Turismo, Santi Domínguez, presentou este martes o VII Congreso de Atención Farmacéutica, que se celebrará do 29 de setembro ao 1 de outubro no Centro social de Novacaixagalicia e contará coa participación de máis de 600 especialistas. O nacionalista expresou a súa satisfacción polo primeiro ano da posta en marcha do Vigo Convention Bureau, que ten como obxectivo fundamental acadar que a nosa cidade sexa referente no turismo de negocios e congresos e a desestacionalización do turismo.
mércores, 26 xan 2011
O tenente de alcalde e concelleiro de Turismo, Santi Domínguez, presentou este mércores o X Congreso de Cirurxía Laparoscópica, que se celebrará os días 4, 5 e 6 de maio nos centros social e cultural de Novacaixagalicia coa participación de 150 ponentes e máis de 500 especialistas. O tenente de alcalde destacou que se trata dun dos 9 congresos xa pechados para 2011, que traerán a Vigo máis de 8.000 persoas e un retorno económico superior aos 7 millóns de euros.
martes, 18 xan 2011
O tenente de alcalde e concelleiro de Turismo, Santi Domínguez, anunciou este martes a celebración en Vigo da XVII Reunión Nacional de Patoloxía Mamaria da Asociación Española de Cirurxiáns e a III Reunión de Enfermería en Patoloxía Mamaria, os días 9 e 10 de xuño no Centro Social de Novacaixagalicia. Santi Domínguez destacou que se trata dun dos nove congresos que ata o momento terán lugar este ano en Vigo "grazas ao traballo do Vigo Convention Bureau na tarefa de impulsar a nosa cidade como sede do turismo de congresos e negocios". A celebración deste congreso reunirá en Vigo a máis de 300 profesionais.
martes, 18 xan 2011
O tenente de alcalde, Santi Domínguez, anunciou hoxe que o vindeiro sábado o Círculo de Bellas Artes de Madrid acollerá a estrea internacional do documental "Novo Vigo Vello: Vida e xente na reconquista do Casco Vello de Vigo", protagonizado por Luis Tosar, e que amosa a transformación que o barrio ten sufrido nos últimos anos grazas ao labor de rehabilitación. O nacionalista presentou tamén a campaña de promoción turística que a Tenencia de Alcaldía e a Concellería de Turismo desenvolverán en FITUR "para posicionar Vigo como referente turístico da fachada atlántica".
xoves, 30 dec 2010
O tenente de alcalde, Santi Domínguez, visitou este xoves o mercado do Berbés co obxectivo de despedir o ano cos comerciantes deste emblemático mercado municipal. No acto, o nacionalista anunciou que nos vindeiros días, xa de 2011, terán a presentación dunha nova importante, como é a remodelación do mercado, que "o configurará como atractivo turístico de Vigo".
luns, 20 dec 2010
O tenente de alcalde e concelleiro de Turismo, Santi Domínguez, anunciou este luns a posta en marcha dunha nova campaña de promoción turística de Vigo en colaboración coa Asociación de Hosteleros de Vigo (Ahosvi). O nacionalista explicou que o obxectivo desta nova iniciativa é o incremento de visitantes de Portugal na nosa cidade nunha data tan sinalada como Fin de Ano, para que os hoteis aumenten a súa ocupación e seguir potenciando Vigo como destino turístico e de lecer.
mércores, 15 dec 2010
O tenente de alcalde, Santi Domínguez, deu conta este mércores da resolución das axudas directas ao pequeno e mediano comercio de Vigo convocadas pola Tenencia de Alcaldía e a Concellería de Comercio. O nacionalista destacou que tanto o número de solicitudes como o de axudas concedidas duplicaron as cifras do 2009, con 1.741 establecementos beneficiarios na convocatoria de 2010. Nestes dous anos repartíronse 1.200.000 euros entre 2.603 comercios da cidade.
xoves, 18 nov 2010
O tenente de alcalde, Santi Domínguez, comunicou hoxe aos representantes das diferentes asociacións de comerciantes de Vigo que o alumeado de Nadal acenderase este ano o 3 de decembro e non haberá redución en relación ao ano pasado. Segundo explicou, as asociacións están de acordo con esta programación, aínda que tamén indicou que quedou aberta a posibilidade de que se algunha rúa principal quedara sen alumeado se estude a posibilidade de incorporala.
xoves, 28 out 2010
O tenente de alcalde e concelleiro de Turismo, Santi Domínguez, participou este xoves na inauguración de Vigofeira, que se poderá visitar no Ifevi ata o 1 de novembro. O nacionalista afirmou que nestes momentos de crise, o incremento do 5% de expositores demostra a consolidación do salón no calendario do recinto feiral vigués.
