mércores, 9 nov 2011
Abel Caballero asistiu este mércores ao IFEVI para presentar a cuarta edición da Feira de Liquidación de Stocks, que terá lugar este sábado e domingo en Cotogrande. A organización agarda a presenza de 25.000 persoas durante as dúas xornadas -en horario continuado de 10 a 21 horas- e a instalación de case un centenar de stands. O alcalde eloxiou aos comerciantes por "como tiran da cidade".
luns, 7 nov 2011
Abel Caballero desvelou este "nivel moi significativo, moi esperanzador" do voo Vigo-Londres que subvencionou o Concello, do que participaron case 20.000 persoas este ano, con vistas á súa consolidación. O rexedor adiantou conversas con Vueling para establecer a ruta en 2012, acordo que agarda "pechar definitivamente" este mes, sen desbotar a instalación dalgunha outra conexión.
venres, 28 out 2011
Abel Caballero avanzou hoxe venres que a Vigo Convention Bureau será a institución que lidere a promoción aeroportuaria do Concello de Vigo. Precisou que o obxectivo é potenciar voos peninsulares, ás illas, ademais de manter París e Londres, "coa idea de poder facturar desde Vigo a calquera destiño a través do aeroporto de Heathrow".
mércores, 19 out 2011
O alcalde de Vigo, Abel Caballero, reiterou hoxe mércores "o potencial extraordinario" de Vigo como destiño de congresos durante a convención anual de Travel Advisors, que durante dous días reúne na cidade ás mellores axencias de viaxes do mundo. Manifestou a súa satisfacción pola organización deste evento "porque queremos aproveitalo para dar a coñecer Vigo como referente para dun turismo estratéxico e de calidade".
venres, 7 out 2011
O concelleiro de Turismo e Comercio, Cayetano Rodríguez, acudiu este venres á Estación Marítima onde está localizado o Centro de Recepción de Visitantes, aberto polo goberno local no pasado mes de novembro de 2010. A oficina ofrece información útil aos turistas, realización de rutas, comercialización do bus turístico e a posta en valor dos recursos turísticos da cidade de Vigo.
mércores, 28 set 2011
O alcalde de Vigo mantivo este mércores unha entrevista co concelleiro de Turismo, Cayetano Rodríguez, e co novo xerente da entidade, Pablo Cameselle. De cara á nova etapa da Vigo Convention Bureau, Caballero encargoulle ampliar o "ámbito de actuación" da entidade, "relanzar o Plan Estratéxico de Turismo" de Vigo -que inclúe a promoción da marca Vigo- e "levar adiante o plan de potenciación do aeroporto elaborado desde o Concello".
venres, 23 set 2011
O alcalde presidiu este venres a reunión do Padroado da Fundación, a primeira reunión tras a chegada da nova Corporación, onde tamén se propuxo ao anterior Director de Proxectos da Mancomunidade de Vigo, Pablo Cameselle, como Director-Xerente da Vigo Convention Bureau. Como acontece noutros países, Abel Caballero avogou por potenciar a parte turística da lonxa pesqueira, dos astaleiros e do tráfico de contenedores
mércores, 21 set 2011
O alcalde de Vigo recibiu este mércores á Asociación de Comerciantes do Progreso, quen plantexou ao Concello unha modificación do proxecto da obra de reforma do Mercado, unha nova redistribución dos espazos interiores que non suporía sobrecuste nin unha demora na inauguración, prevista para o próximo verán. Caballero garantiu a cooperación do goberno local na iniciativa.
venres, 5 ago 2011
Abel Caballero, xunto á primeira tenente de alcalde, Carmela Silva, e o concelleiro de Comercio, Cayetano Rodríguez, visitaron este venres os traballos de reforma do tradicional mercado vigués, obra iniciada no anterior mandato que concluirá en agosto do próximo ano tras ter destinado o Concello 4,7 millóns de euros. O alcalde tamén adiantou que o goberno local concedeu autorización para a remodelación do Mercado de Teis.
mércores, 6 xul 2011
O alcalde de Vigo, Abel Caballero, e o concelleiro de Turismo e Comercio, Cayetano Rodríguez, reuníronse hoxe mércores cos máximos responsables de Travel Advisors, quen confirmaron a celebración en Vigo da súa asamblea xeral, coa participación dunhas 120 persoas. Esta entidade está especializada en incentivos para as axencias de viaxes e turismo de congresos, polo que Caballero indicou que a convención "ten un gran interese para nós".
