Abel Caballero lembrou hoxe mércores que o convenio que o Concello asinou con Volotea é un acordo de colaboración publicitaria que inclúe accións promocionais de marketing online e offline e campañas de publicidade. Estas accións arrancarán en xuño nas conexións que a compañía comeza a operar a Valencia, Ibiza e Plama de Mallorca.
O goberno local inviste 161.000 euros en promocionar a cidade cunha campaña turística en medios especializados e de tirada nacional, de cara a captar turistas en épocas vacacionais. O alcalde explicou que, xunto ás Illas Cíes, o Concello proxecta Vigo como destino gastronómico, cultural, urbano, activo, de natureza e de ocio nocturno.
O próximo 2 de xuño arrancan os vóos de Volotea a Ibiza, Mallorca e Valencia, o que suporá, en verbas do rexedor, un novo impulso na recuperación da terminal viguesa. Acompañado polo director xeral da compañía, Lázaro Ros, Caballero non descartou a ampliación destes enleces nun futuro.
O goberno local respalda a petición do sector da perruquería que reclama un IVE reducido para poder manter abertas as súas empresas e os empregos. Así o avanzou esta mañá a tenente de alcalde, Carmela Silva, quen anunciou a presentación dunha moción no Pleno do Concello para salvagardar un sector que xa perdeu 20.000 empregos desde que o Goberno Central subira a carga impositiva a este sector dun 8 a un 21%.
O alcalde presidiu este luns a Mesa Local de Comercio -integrada pola gran maioría de asociacións e federacións sectoriais da cidade- e informou da boa acollida do planteamento municipal no Nadal, tanto en iluminación como en decoración. A Mesa tamén emitiu informe das campañas propostas polo comercio local para 2014.
A Xunta de Goberno Local adxudicou hoxe luns unha "importante" campaña de promoción de Vigo como destino turístico de corta estancia. Segundo avanzou o rexedor, as accións promocionais levaránse a cabo en París, Madrid, Barcelona, Bilbao, Oporto, Valladolid, Zamora e León.
Caballero indicou que a baixo coste iniciará a súa andaina en Vigo desde o 2 de xuño e operará as rutas entre Peinador e Palma, Valencia e Ibiza, cos billetes xa á venda. O convenio, que ascende a 726.000 euros en tres anos, céntrase na promoción turística da cidade.
O rexedor mantivo hoxe un encontro cos responsables do Congreso Luso Galaico de saúde mental que se vai desenvolver en Vigo en febreiro do ano 2015. Contará con máis de 300 profesores expertos de recoñecidas universidades e o centro municipal Cedro será a referencia na cidade.
Abel Caballero avanzou hoxe xoves unha nova ubicación para o mercadiño de Bouzas, como consecuencia das obras de humanización da praza situada ao lado da igrexa. Este traslado a esta zona "espléndida" será definitivo, dixo.
O alcalde mantivo onte martes unha reunión con directivos da compañía gala e acordaron promocionar conxuntamente a ruta e celebrar, no 2014, o décimo aniversario da mesma. Air France estudará retomar un segundo voo diario de cara á próxima tempada e Caballero salientou a importancia de París como escala viguesa cara ao resto do mundo.